Hek:

Daeq haeuj mbanj neix ma,

Daeq haeuj gya neix daeuj,

Diem din haeuj ranzlaeuz,

Ndawsim raeujrubrub.

客人：

走到这一村，来到这一家，

抬脚进楼房，心里乐开花。

Cawj:

Bouxhek youq gyae daengz,

Raeuz raen maez raen maij,

Mbouj miz maz dakdaih,

Couj lai mbouj gamj raen.

主人：

客从远方到，我们热情高，

没什么招待，该如何是好？

Hek:

Cawjranz caen rox naemj,

Rox ndaem youh rox ciengx,

Cawjgya caen rox siengj,

Ciengx nonsei ndaej ngaenz.

客人：

主人会生计，会种会养殖，

养蚕来致富，餐餐有肉吃。

Cawj:

Docih gungcanjdangj,

Bang gaeqraeuz baenzmeiz(baenzmiz),

Cwngcwz dingh ndaej ndei,

Ngoenzneix ndaej fatcaiz.

主人：

共产党真好，脱去脱贫帽，

政策能实行，不止求温饱。

Hek:

Aen diegranz cawjgya,

Ra deng dieg miz lungz,

Lwglan hak dang hung,

Dwg duzlungz baujyouh.

客人：

主家的房基，选中青龙地，

子孙能当官，龙脉显威力。

Cawj:

Dieg mbanj youq ndaej an,

Dieg ranz youq cij onj,

Cienzngaenz youq ranz conz,

An’onj gvaq ndwenngoenz.

主人：

村是平安地，家是龙地基，

钱财聚在屋，安稳过日子。

Hek:

Cawjgya cingq rox ndaem,

Gosangh aem mbaw fwenh,

Nonsei mbouj rox rwenz,

Ndwenngoenz gvaq ndaej yiengj.

客人：

主家会种植，桑叶绿欲滴，

虽然年过百，发财也不迟。

Cawj:

Ciuq gohyoz daeuj ndaem,

Gosangh aem mbouj nanz,

Nonsei caenhrengz ganq,

Canh ngaenz sai mbouj liux.

主人：

按科学种植，桑叶绿欲滴，

尽力养好蚕，钱财永不止。