Aeu ragngox baek caz,

Lih gij nyaq de hwnj,

Aeu gij raemx daeuj gwn,

Mwh bwt foeg ndoet ndei.

利用芦根来煲茶，煲好之后去其渣，

每天按时来饮用，治肺脓肿效果佳。

Buenq gaen nohmou cing,

Caeuq hing cawj yaek cug,

Gaen namzgva roengz gug,

Cug lanh gya gyu gwn.

切好半斤瘦猪肉，加一点姜煮半熟，

食盐南瓜加下去，煮烂食用血可补。

Haeuxlidlu nienj mba,

Gya haeuxsuen daeuj oemq,

Guvax cawj fa goemj,

Haethaemh moemj habdoh.

薏米要碾成粉末，加粳米来煮粥喝，

最好还是砂锅煮，早晚一次量要合。

Aen bwt mou ronq ndei,

Haeuxlidlu seiq liengx,

Baek cug langh loq liengz,

Ciengz gwn ndaej bouj bwt.

猪肺一个要切好，四两薏米一起熬，

等熟以后来服下，补肺化痰效果好。

Song aen lauxbaeg heu,

Heuz aen bwtmou cawj,

Cug daengz lanh gwn gawq,

Gij nyaq hix dawz gwn.

找来两个青萝卜，猪肺一个一起煮，

煮到萝卜猪肺烂，连汤带渣一起服。

Daem lanh suenq naeng gyaemq,

Caemh dangznding doxgyaux,

Dawz bae cienq roengz cauq,

Baenz gau haethaemh gwn.

将紫皮蒜先捣烂，再和红糖来搅拌，

加水放下锅头煮，成膏服食于早晚。

Coenghau aeu caeuq ngingh,

Caeuq hing ronq baenz sei,

Haeuxsuen cawj oemq ndei,

Haethaemh geiq aeu gwn.

连须葱白要十根，要和生姜切细等，

再把粳米煮成粥，放些食盐早晚吞。

Aeu ra gij mazvangz,

Dang boiq gij faengingq,

Daeuhfouh aeu swiq cingh,

Dang yw bingh megfouz.

备好杏仁和豆腐，跟着麻黄一起煮，

滚后再煮一小时，去渣留汤治脉浮。

Aeu faengingq nienj mba,

Gya dangznae daeuj gwn,

Banngoenz rox banhwnz,

Aeu gwn gaeuq cib ngoenz.

或将杏仁碾成末，调下冰糖慢慢喝，

早晚各喝九克整，连喝十日不为多。

Song liengx dangzmeghaeux,

Gaen daeuhfouh caez cawj,

Raemx lauxbaeg coq ndaw,

Daengz goenj dawz daeuj gwn.

准备二两麦芽糖，一斤豆腐往里放，

加上一杯萝卜汁，一起煮开来喝汤。

Roxnaeuz roengz mwi gvaq,

Ra aeu lauxbaeg hau,

Youq ndwen he doxdauq,

Gwn bauj yw haebgyawh.

或用经霜白萝卜，切片煎汤当茶喝，

一月之内喝不停，治哮喘病有效果。

Haj aen swhgvah moq,

Ronq soiq coq gwnz feiz,

Gya gij raemx cienq ndei,

Seiz haebgyawh aeu gwn.

鲜嫩丝瓜要五个，切碎水煎去渣喝，

一月之内喝不断，治哮喘病有效果。

Aen lwgfaeg daeuj baq,

Vat nyaqsim okbae,

Gya dangznae haeujbae,

Naengj gwn ndaej yw bingh.

冬瓜从中来剖开，瓜瓤必须挖出来，

加些冰糖再合好，蒸好吃后消病灾。

(caengz sat)