Cangh donzcangj naj saepsang, sim siengj: Sou gyoengq bouxbaihgwnz caen soengswt ha, lumj fan gaiq bingjgangq nei, fan bae youh fan dauq, couh mbouj lau dawz dou “gaiqbingj” youq baihlaj neix gangq remj bae? Seizneix, Cangh donzcangj caen dwg deng gangq remj lo, baih ndeu dwg cangzvu fusicangj, baih ndeu dwg boux fusuhgi faenguenj vwnzva; baih ndeu dwg boux vaiginghveij cujyin cujciz okguek haenx, lingh baih dwg vwnzvagiz Yenz gizcangj, baih lawz cungj daekcoih mbouj ndaej ha! Gangj daengz “guen hung bak hung” hix ndei banh, dan dingq boux guen hung, mbouj dingq boux guen iq, hoeng, gyoengqde song mbiengj cungj dwg guen hung, song aen bak dangyienz hix hung doxlumj. Danghnaeuz Cangh donzcangj dwg boux vunz hukhak ndeu hix ndei guh, hawj baihgwnz “doxhoenx”, gou ei bae guh, fan bingj couh fan bingj, caiq fan geij baez youh baenzlawz yiengh? Hoeng, hojguh couhdwg Cangh donzcangj dwg bouxvunz miz siengjfap ndeu, de doiq gienh saeh neix miz yawjfap. Hoeng, de rox, gij yawjfap de dingj roet yungh, couh lumj ndaw budui gangj “gyaeujgaeq riengfungh” nei, youq ndaw ganbu, seizbienh ra boux ndeu daeuj hix beij de hung, gizlawz lwnz daengz de gangjvah. De cij ndaej deng geb youq cungqgyang souhheiq.

Haemh haenx, Cangh donzcangj youh gag gwn laeuj daengz ranzrongh, de siengj naemj aen banhfap doiq song mbiengj cungj ndei ndeu daeuj. Mwh de gwn sat bingz laeujhau haenx gaemz ceiq doeksat, sawqmwh rengzlaeuj hwnjdaeuj, ukgyaeuj lingz- doeng lo, siengj ok aen geiqmaeuz ndeu: Gawqyienz sou dawz saeh ngaekngeu ap hawj gou, nanzdauh gou couh mbouj rox dawz saeh ngaekngeu ciuq yienghgaeuq boiz hawj sou lwi? Bouxgyaz dik giuz hawj gou, bouxyiz dik giuz hawj gou, gou couh mbouj rox dawz aengiuz bouxyiz dik hawj bouxgyaz, youh dawz aengiuz bouxgyaz dik hawj bouxyiz lwi? Giz gou couh dang giz camhcungcienj ndeu, mbouj dwg gig soeng ma!

Gyanghaet, swngz seiz caengz hwnjban, Cangh donzcangj daj ndaw bonjbouh dienhvah caz ndaej gij hauh dienhvah ndaw ranz Lauz fusicangj, dawz gij cijsi Yiz fusuhgi senhconzbu cienznaeuz haenx ciuq gangj hawj de dingq. Lauz Ginh dingq le ngawh- ngaeng yaep ndeu, baenz byonghngoenz mbouj gangj saek coenz, doeklaeng sing raezrangrang naeuz: “Baezneix okguek guh baijgai, dwg gij hingzcwng hozdung cwngfuj, hix ndaej gangj dwg cungj hengzguh sanghyez ndeu, vihmaz hawj dangjveij dem mazfanz ne? Mwngz caeuq fusuhgi gejnaeuz gangj cingcuj bae, lij dwg ciuq yigen cwngfuj bae guh ba!”

Aeyo, siengj mbouj daengz, aen “giuz” neix dik gvaqbae, youh deng dik dauqma lo. Cangh donz- cangj naeuz:“Lauz fusicangj, gou ra Yiz fusuhgi gangj, lau mbouj daiq ndei ba?”

“Mizmaz mbouj ndei? Yiengq si lingjdauj fanjyingj hojnanz ma!”

“Lauz fusicangj, saehcingz lauheiq mbouj yienghneix genjdanh, haengjdingh dwg Vuz Caijyaz bae ra gvaq Yiz fusuhgi, Yiz fusuhgi dangqnaj dapwngq de, gou yawj, de gojnaengz mbouj gaij- bienq lo.”

Lauz fusicangj vah bienq yiemzsuk hwnjdaeuj: “Gijmaz? De mbouj gaijbienq, aeu gou gaijbienq ha? Gou cam mwngz, baez okguek fangjvwn neix, dwg hong cwngfuj roxnaeuz dwg hong dangjveij? ”

Cangh donzcangj sawqmwh roxnyinh gig hojguh, mbajbwdbwd naeuz:“Gou……Gou hix gangj mbouj cingcuj……”

Lauz fusicangj aeu Cangh donzcangj daeuj okheiq, hozndat dwk naeuz:“Yienghneix couh youz mwngz daeuj dingh ba! Hoeng, gou naeuz mwngz nyi, mwngz guh saeh aeu goengbingz.” Gangj sat couh cuengq dienhvah lo.

“Lauz fusicangj, Lauz fusicangj……”

Caen dwg dahraix, aengiuz bouxgyaz deng dik dauqma lo, giz “camhcungcienj” mbouj lingz lo. Cangh donzcangj youh dwk dienhvah hawj Yiz fusuhgi. Bouxyah Yiz fusuhgi naeuz de youq Bwzyenz Binhgvanj haihoih, fuengzhauh dwg 405. Cangh donzcangj dwk dienhvah gvaqbae, dienhvah doeng lo.

“Vei……” Sing mehmbwk ndeu cienz daeuj.

“Gou ra Yiz fusuhgi.”

“De youq ndaw veiswnghgenh, mwngz yaep ndeu caiq dwk daeuj.”

Cuengq dienhvah le, Cangh donzcangj diem gaemz heiqgyoet ndeu, “ya, sing mehmbwk neix miz di lumj sing Vuz Caijyaz bw……Ngeix lai luba……”

Gvaq le 20 faencung baedauq, Cangh donz- cangj youh dwk dienhvah gvaqbae. Baezneix dwg bouxsai sing sang ndeu.

“Gou singq Yiz.”

“Yiz fusuhgi, gou dwg si gohvujdonz Cangh Cangh.”

“Cangh donzcangj, haxbaenh fuzvuyenz baet rug, gou mbouj youq, doiq mboujhwnj.”

De vihmaz gag gejnaeuz ne? Mbouj lau “dieg neix mbouj miz ngaenz sam bak liengx” ha? Cangh donzcangj goq mbouj ndaej bae faensik doengh gijneix, couh dawz “aengiuz” dik hawj Yiz fusuhgi, lumj haxbaenh dik hawj Lauz fusicangj nei.

“Gienh saeh iq neix ra gou guh gijmaz? Senhconzbu mbouj dwg dunghcih mwngz gvaq la?”

“Dunghcih gvaq.”

“Yienghneix couh ei bae guh ma!”

“Hoeng……”

“Vuz Caijyaz dwg boux ciengqgo okmingz ndeu, suijbingz sang, miz gingniemh, ndaej daibyauj yenjyenz aen si raeuz lij miz bouxlawz beij ndaej gvaq de?”

“Yiz fusuhgi, mwngz ciengeiz gaej dingq vah mbiengj ndeu.”

“Gou dingq vah bouxlawz? Vuz Caijyaz? Geizsaed gou caeuq de hix mbouj sug geijlai.”

Youh dwg “gizneix mbouj miz ngaenz”, Cangh donzcangj lij siengj cekgej baez ndeu, hoeng deng Yiz fusuhgi dwkduenh lo: “Danghnaeuz mwngz laihnaeuz ndaej mbouj ciuq yigen siveijban bae guh, couh youz mwngz boux donzcangj neix dingh ba! Hoeng aeu gangj yenzcwz!”

“Yiz fusuhgi, Yiz……”

Yiz fusuhgi gaenq cuengq dienhvah lo.(10)

张团长此时的脸真像个苦瓜，要多难看有多难看：你们上面好潇洒，翻烧饼，翻过来翻过去，就不怕把我们下面烤糊了吗！此刻的张团长真的是被烤糊了，一边是常务副市长，另一边是分管文教的副书记；一边是组织出国的主管部门外经委主任，另一头是顶头上司文化局袁局长，哪一边也得罪不起啊！要说“官大嘴大”也好办，只听官大的，不听官小的，可这是势均力敌，两边官一般大，两张嘴当然也一般大。如果张团长只是个木头人也好办，让上面去打仗，我照执行，翻烧饼就翻去，再翻它几次又何妨？难就难在张团长是个有血有肉有思想的人，他对这件事有看法。当然，他明白他的看法顶个屁用，就像部队里说的：“兵头将尾”，在干部中，随便摸出一个阿三阿四来也比他大，哪有他讲话的余地。他只有夹在中间受夹板气罢了。

张团长当晚又是一瓶白干喝到天光，企图苦思苦想出一个两全其美的办法来。当他把那瓶白干的最后一口喝完之时，忽然酒劲上头，掀动了天灵，骤然生出一个妙计来：既然你们都把矛盾压来给我，难道我就不会把矛盾原封不动地还给你们吗？甲把球踢给我，乙把球踢给我，我就不会把乙的球踢给甲，又把甲的球踢给乙吗？我这里只当个中转站不是很轻松吗！

清晨，趁未上班之际，张团长从内部电话本中查到了劳副市长的家里电话，便把宣传部传达于副书记的指示照说了一遍。劳军先是一愣，半晌没说出话来，然后拉长了嗓门说：“这次出国搞展销嘛，是政府的行政性活动，也可以说是一种商业行为，何必要给党委添麻烦呢？你跟于副书记解释解释，说明说明，还是照政府的意见办吧！”

哎哟，没想到这球刚踢过去；又被踢回来了。张团长说，“劳副市长，我找于副书记说，怕不大好吧？”

“有什么不好？向市领导反映困难嘛！”

“劳副市长，事情恐怕不那么简单，肯定是吴彩霞去找过于副书记，于副书记当面答应过她，我看他不大可能再改变的。”

劳副市长语调变得严肃起来：“怎么？他不改变，要我改变吗？我问你，这次出访是政府的工作还是党的工作？”

张团长顿时为难地讷讷说：“我…我也说不清楚……”

劳副市长把一腔怒气全洒在张团长身上，重重地说：“那就由你这个团长来定吧！但我告诉你，你要主持公道！”说完电话断了。

“劳副市长，劳副市长……”

果然，甲的球踢了回来，中转站不灵了。张团长又打了电话给于副书记。于副书记的夫人说他在北园宾馆开会，房号405，张团长拨通了电话。

“喂……”一个女人的声音。

“请找于副书记。”

“他在洗手间，请等一会儿打来。”

电话放下之后，张团长倒抽了一口冷气，“咦？这女人的声音有点像吴彩霞……也许是过敏了吧……”

二十分钟后，张团长又拨通了电话。这次是个男高音。

“我姓于。”

“于副书记，我是市歌舞团张仓。”

“张团长，刚才服务员打扫房间，我不在，对不起。”

他为啥要主动解释呢？不怕此地无银三百两么？张团长顾不上去分析这些，便把“球”踢给了于副书记，如同刚才踢给劳副市长那样。

“这件小事找我干吗？宣传部不是通知你了吗？”

“是的。”

“那就照办嘛！”

“但是……”

“吴彩霞是有名的歌唱家，水平高，有经验，能代表我市的演员还有谁能和她比？”

“于副书记，你千万不要听一面之词。”

“我听谁的一面之词？吴彩霞？其实我跟她也不太熟悉。”

又是一个“此地无银”，张团长还想解释一下，却被于副书记打断了：“如果你觉得可以不按市委的意见办，那就由你这位团长来决定吧！但要坚持原则！”

“于副书记，于……”

于副书记的电话已经放下了。

(10)