●6 nyied 2 hauh, Ginh- couh Si Ginhnanz Gih Minz- cuzgiz lienzhab Ginhcouh Si Bwzbuvanh Vwnningzduj Youj- han Gunghswh daengz Vangz- vuhdunz Cin Ginhcuz Cunhveij aen gih neix, fat cehfaen haeuxnaz ndei II916 136 gaen, niusu 1650 gaen, gyazfeiz 510 gaen, linzfeiz 1000 gaen, fuhoz- feiz 400 gaen, gyaqcienz dij 7455 maenz hawj 9 ranz ranzgungzhoj, bangcoh ranzgungzhoj gibseiz doekceh miuzlaeng.

(Liengz Lizgyangz)

●Guekgya lajmbanj yivu gyauyuz hagseng yingzyangj gaij- ndei dajveh hengzguh daeuj, Lozcwngz Mulaujcuz Swciyen mboujduenh gyalai caizcwng bued roengz ligdoh, gyaak hwnjguh “donq haeux yingz- yangj” biucinjvaq, caemhcaiq yiemzgek doeksaed “haj aen gunghsi”, hawj engq lai lwgnyez lajmbanj ndaej gwn “donq haeux yingzyangj” veiswngh mbouj aeu cienz.

(Mungz Cwnghswh)

●6 nyied 1 hauh, gyoengq guenbing Ningzmingz Yen Bien- fuengz Dadui Bwzsanh Bien- fuengz Baicuzsoj bae daengz Caianh Yangh Banjlieng Siujyoz dieg youq henzguek haenx, yiengq gyoengq lauxsae hagseng gangj 《Fap Cawqfad Cianh Guenjleix》《Fap Baujhoh Lwgnyez》《Fap Yawhfuengz Lwgnyez Famhcoih》daengj fap- lwd fapgvi, sonyinx caeuq son- gyauq hagseng gij fuengfap caeuq banhfap gaemdawz yawhfuengz famhfap famhcoih, soengq aen “daeh laex hung fazci” ciet lwgnyez “roek it” he bae hawj gyoengqde.

(Couh Yizgangh Vuz Cungzdingh)

●6 nyied 1 hauh, Hocouh Si Veiswngh Giswnghveij lienz- hab Giswngh Hezvei bae daengz Gveisih Siujyoz caeuq Caujsw Siujyoz Gveilingj Cin Bazbu Gih aen si neix haiguh “roek it” gvansim hozdung. Ngoenzhaenx, giensoengq daehsaw、 bonj- bitgeiq、bitmaeg caeuq gveih- lingzgauh daengj “daeh laex hung ngoenzciet” hawj 290 boux hag- seng song aen hagdangz neix, soengq camnai caeuq hohfuk bae hawj hagseng gungzhoj runghbya.

(Liz Cujdez)