Vagut cang ndaw huz,

Bu raemxgoenj roengzbae,

Ceh yaep ndeu couh ndaej,

Baenz ae gya diengz gwn.

先将菊花放壶内，然后适量加开水，

浸泡片刻加糖饮，痰能消来咳能退。

Faengingq bok gvamq bae,

Ndaej aeu daeuj dub soiq,

Baek caeuq vagut boiq,

Gwn le doiq ae’ndat.

杏仁去皮要捣碎，再用菊花一起配，

煲成汤来当茶饮，风热咳嗽就能退。

Faengingq bok gvamq ndei,

Makleiz aeu daeuj ronq,

Gya dangznae gaxgonq,

Moiz donq aeu gwn baez.

杏仁十克去皮尖，鸭梨去皮核切片，

加点冰糖当茶饮，风热咳嗽都收敛。

Mbawbizbaz cienq dang,

Haeuxsuen song liengx haeux,

Dangznae di couh gaeuq,

Caeuz cawj oemq daeuj gwn.

煎枇杷叶取汤汁，粳米要加二两余，

冰糖只能加一点，熬成粥浆拿来吃。

Beghab swiq seuqcingh,

Cingq caeuq haeuxcid cawj,

Dangznae gya coh ndaw,

Haethaemh dawz daeuj gwn.

挖来百合去泥土，跟着糯米来煮熟，

一点冰糖加下去，煮成粥浆早晚服。

Beimuj caeuq faengingq,

Faengingq bok gvamq bae,

Goenj gya di dangznae,

Ndaej oemq buenq diemj cung.

贝母杏仁二比一，杏仁必须先去皮，

猛火烧至沸腾后，加冰糖焖半小时。

Ronq aen lauxbaeg ndeu,

Heuz haeuxsuen cawj oemq,

Baenz myaiz ndat bwt oem,

Moemj cuk neix ndaej ndei.

切碎一个鲜萝卜，混着粳米慢火煮，

痰热郁肺型咳嗽，早晚要吃萝卜粥。

Ragngox baek baenz caz,

Gya haeuxsuen cawj oemq,

Baenz myaiz ndat bwt oem,

Ngoenz aeu moemj sam baez.

采来新鲜芦苇根，洗净切段加水滚，

去渣加米煮成粥，一日三次把粥吞。

Sijsu dub baenz naez,

Caez haeuxsuen doxgyaux,

Di dangznding roengz ndau,

Dwk cauq cawj oemq gwn.

紫苏十克捣为泥，加上二两新粳米，

红糖适量加下去，煮成粥浆早晚吃。

Faenlauxbaeg nienj mba,

Ra raemxgoenj diuz gwn,

Danghnaeuz ae mbouj hwnj,

Gwn de ndaej yw ndei.

把莱菔子碾成末，再用开水调着喝，

可防痰湿咳嗽病，如有此病治得着。

Cauj cug faenlauxbaeg,

Daek hwnjdaeuj nienj mba,

Cawj haeux cuengq roengz ma,

Gwn gvaq de yw ae.

将莱菔子来炒熟，碾碎跟米煮成粥，

咳嗽病人喝下去，既能止咳又排毒。

Faengingq caeuq swhgvah,

Gvamqmakdoengj hix gya,

Dawz daeuj baek baenz caz,

Aeu ma gwn yw ae.

橘皮杏仁老丝瓜，每种十克煲成茶，

去渣白糖加适量，止咳功效人人夸。

Cienq vangzgiz aeu raemx,

Roengz gaem haeuxsuen ndeu,

Cawj oemq baenz cuk leux,

Heuz dangznding daeuj gwn.

煮好黄芪就滤渣，再加粳米一大抓，

加点红糖吃下去，治好咳嗽又一法。

Goenj iengduh ndei ce,

Gyaux gyaeqgaeq deq roengz,

Baenz ae gwn mbouj loeng,

Coengh dangzhau doxgwn.

先将鸡蛋搅成浆，再往沸浓豆浆放，

气虚咳嗽吃就好，吃时记得加白糖。

Makleiz caeuq caujnding,

Dangznae hing caeuq ngaeux,

Cienq baenz gau ce raeuj,

Dawz daeuj gwn yw ae.

秋梨鲜藕和冰糖，再加红枣和生姜，

拿来煎膏常服用，治好咳嗽一药方。

Mwzdungh caeuq makcauj,

Gyaux haeux cawj fa goemj,

Dangznae cuengq roengz oemq,

Baenz ae moemj de ndei.

两枚大枣加麦冬，大米冰糖加其中，

加水煮至麦冬烂，咳嗽早晚来服用。

(caengz sat)