Gaenh bi neix daeuj, Binhyangz Yen mboujduenh cauhmoq guhhong lohnaemj, gvangqlangh senhconz fat- doengh, ciuq dieg bae guh, gaenx- maenx hwngfat ginghci ndaw ndoeng gizdieg siujsoq minzcuz, yungh saed- hengz “cien fanh linznungz cien maenz demsou” gunghcwngz guh caidij, yungh ngaenzcienz caizcwng guh dazyinx, yungh ngaenzcienz gwnz- biengz、 ngaenzcienz ginhyungz guh cawjdaej, daezsang gij gunghawj cingzsoq ginghci ndaw ndoeng doiq nungzhoh haenx, coicaenh ginghci ndaw ndoeng hwngfat gveihmozva、 cienniebvaq、 hawciengzvaq.

Binhyangz Yen diegnamh cungj- mienhcik 344.9 fanh moux, linzyez yungh dieg mienhcik 140.8 fanh moux, miz diegfaex mienhcik 116.37 fanh moux, ndawde ndoengfaex gai faex mienhcik 118.91 fanh moux, ndoeng- faex majvaiq 35.97 fanh moux, ndoengfaex goeng’ik 3.37 fanh moux, dieg baujhoh ndoengfaex hoh raemx Cinghbingz Suijgu 25 fanh moux. Binhyangz Yen 105 fanh cungj- gyaeujvunz, vunz nungzyez 89 fanh boux, vunz nungzyez 3790 boux guh ginghci ndaw ndoeng, ndawde guh ndaw ndoeng dajndaem gyaeujvunz 690 boux, guh ndaw ndoeng dajciengx gyaeujvunz 3100 boux, vih hwngfat ginghci ndaw ndoeng dwkroengz le giekdaej ndei. Binhyangz Yen hwngfat ginghci ndaw ndoeng, saedyienh le daj dan yungh swhyenz faex cienjbienq yiengq cunghab yungh diegfaex swhyenz、 swnghdai swhyenz caeuq gingjgvanh swhyenz, daezsang cingz- soq yungh diegfaex gig hung, byaijok diuz roen hwngfat “mbouj liz mbanj ndaej couhnieb、 mbouj raemj faex ndaej baenz miz” he.

Daengz 3 nyied, Binhyangz Yen hwngfat ndaw ndoeng dajndaem、 dajciengx、 ndoengfaex swnghdai lij- youz、 doxgaiq ndoeng gyagoeng daengj, nangqdaengz diegfaex mienh- cik 38.2 fanh moux, canjciz 4.6 ik maenz, camgya nungzhoh 2.9 fanh hoh, gungh 9.2 fanh boux. Ndawde ndaw ndoeng dajndaem nangqdaengz dieg- faex 2.9 fanh moux, canjciz 2675 fanh maenz, ndaw ndoeng dajciengx nangqdaengz diegfaex 6.1 fanh moux, canjciz 2.9 ik maenz, doxgaiq ndoeng gyagoeng nangqdaengz diegfaex 28 fanh moux, canjciz 1.2 ik maenz, ndoengfaex lijyouz nangqdaengz dieg- faex 1.2 fanh moux, souhaeuj 1000 fanh maenz, guh'ok swnghdai yauqik、gwnzbiengz yauqik、 ginghci yauqik ndei.

(Loz Linzcaiz/罗林才)