Bi’neix co, Gungcwngz Yauzcuz Swciyen Gyahvei Cin Gizsanh Cunh dangjcihbu suhgi Yinj Cojmingz bauz gij diegreih vunz 110 moux ma ndaem go’ngaih, lij caeuq vunz doxgap guh“Gveilinz Go’ngaih Yihyoz Gohgi Mizhanh Gunghswh”, aeu mbawngaih ma gyagoeng、baucang、siugai, guhbaenz aen vunqsik nungzyez ciuhneix gunghswh caeuq gihdi itdaejvaq.

Mbawngaih it bi ndaej sou 8 mbat, moux canjliengh mbaw sauj 500 daengz 600 goenggaen, mbawngaih ginggvaq gyagoeng baenz baujgenbinj le, moix goenggaen gyaqcienz 40 maenz ngaenz, yauqik gig ndei, lij vih gyoengq vunzhong aen mbanj bonjfaenh daezhawj youq bak ranz bonjfaenh guh hong gihvei, doengzseiz lij vih Gunghcwngz laeb yiengh mozsi canjyez moq ndeu.

(Couh Binjciuh/周品秋)