Bonjbauq siusik (Cau Dwzfeih Moz Beibei) 5 nyied 11 daengz 12 hauh, aen hozdung yawjhag caeuq langhbaij gij cingzgoj hong cauhlaeb “hagdangz guhyiengh minzcuz vwnzva gyauyuz swcigih” youz Swcigih Gyauyuzdingh cujciz banh haenx youq Namzningz banh. Swcigih Gyauyuz- dingh Minzcuz Gyauyuzcu cucangj Veiz Lanzmingz、 Swcigih Gyauyuzdingh Minzcuz Gyauyuzcu diuyenzyenz Couh Yungjgwz, Guengjsae Daihhag Gunghgung Guenjleix Yozyen Loz Sugez gyausou、 Guengjsae Swhfan Daihhag Gyauyuz Gohyoz Yozyen Yangz Libingz gyausou、 Guengjsae Minzcuz Daihhag Minzcuz Caeuq Sevei Yozyen Ouhyangz Cangzcingh gyausou、 Guengjsae Swhfan Yozyen Lij Fuzcoz gyausou 4 boux lauxhangz caeuq daengx gih 106 aen hagdangz cauhlaeb “hagdangz guhyiengh minz- cuz vwnzva gyauyuz swcigih”yaucangj daengj gungh 110 lai boux camgya baez hozdung neix.

11 hauh banhaet, Veiz Lanz- mingz、 Couh Yungjgwz faenbied daiqlingx siujyoz、 cunghyoz song aen cuj bae daengz Namzningz Si Siudenz Siujyoz、 Mingzsiu Siujyoz、 Sinhhingh Minzcuz Hagdangz、 Beihungz Minz- cuz Cunghyoz guh yawjngonz doxgyau. 4 aen hagdangz neix daj minzcuz vwnzva ndawhag hwnjguh、 minzcuz conzdungj dijyuz、 seiz roengzdangz minzcuz vwnzva、 hagseng fwngzguh gunghyibinj daengj geij aen fueng- mienh neix langhbaij hawj cujyawjhag yawj.

Siudenz siujyoz hopheux gij banhhag leixniemh“daudwz nyinh ndawhag dajdaej ciuhvunz lai yiengh”, dajcauh gyauyuz daegsaek binjbaiz lai yiengh. Ndawhag miz funghranz langhbaij minzcuz vwnzva, yungh de langhbaij caeuq gaisau fungcingz fungsug mizgven Guengjsae siujsoq minzcuz caeuq dozveh cozbinj lauxsae hagseng, luengqhongh raez vwnzva miz gij ciendaejranz gaisau ngeihcib seiq cietheiq Cungguek, lij miz banjbau hung hajcib roek aen minzcuz caeuq gij goenqfaex guhbaenz yiengh aennyenz Mbanjcuengh daengj, yungh moix aen hoenggan ndawhag langhbaij minzcuz vwnzva, hawj hagseng seizseiz ndaej daengz conzdungj minzcuz vwnzva hoiznyinh.

Mingzsiu Siujyoz dwg baez yawjhag hozdung neix dandog aen hagdangz mbouj dwg danhvei cauh- laeb “hagdangz guhyiengh minzcuz vwnzva gyauyuz swcigih”he, hoeng hagdangz roengzrengz dajcauh gij binjbaiz “minzcuz conzdungj vwnzva”. Gwnz godangz, dawz minzcuz vwnzva maenhndei yinxhaeuj godangz, yiemq haeuj gak yozgoh bae, dangzdijyuz ringx gengxdiet, dangzdozveh guh aendomq, dangzciengqgo eu fwen…… seizhoengq roengzdangz, haiguh guh aendomq、 guh aennyenz、 diuq cauh- aendomq daengj gvendaengz minzcuz yisuz caeuq minzcuz gunghyi sedonz hozdung.

Youq Sinhhingh Minzcuz Hag- dangz, cujyawjhag yawjngonz le luengqhongh raez minzcuz fungcingz、 funghranz minzcuz fungcingz、 fungh- ranz saw veh minzcuz daengj dieg. Hagdangz hopheux aen cawjdaez hwnjguh minzcuz vwnzva, cienzmienh gviveh anbaiz gingjsaek ndawhag, doed ok aen cawjdaez minzcuz vwnzva, cungfaen yungh dou、 diengz、 suen、 loh daengj ndawhag, guh daengz hwnjguh vanzging hagdangz caeuq hagdangz leixniemh、 daegsaek hwnjguh cawjdaez doxhab, hawj gyoengq boux daeuj yawjhag haenx yaenqsiengq gig laeg.

Baez yawjhag hozdung neix, Beihungz Minzcuz Cunghyoz hix dwg dieg yawjhag he, cujyawjhag yawj- ngonz le luengqhongh raez minzcuz vwnzva、 funghranz langhbaij cozbinj mbawsiengq dozveh lauxsae hagseng aen hagdangz neix caeuq yawj le aen minzcuz yisuzdonz aen hagdangz neix biujyienj ciengqgo、 diuqfoux、 boq huzluzswh daengj, ndawhag diegdieg cungj yienh’ok gak minzcuz doxbang doxgyaez, huzndei caemhyouq, hag- dangz genhciz gij gyauyuz gyaciz- gvanh “hawj lwgnyez Mbanjcuengh gagsaenq byaij coh daengzcog”, yawj- naek gungganq hagseng cunghab suciz caeuq goqsingq daegciengz daengj, ndaej daengz cujyawjngonz haenhndei doengzseiz hix ndaej daengz laux- hangz haengjdingh.

11 hauh banringzgvaq, gak siuj- cuj yawjhag hagdangz okhingz le, dauq daengz hozdung cawjhoihciengz, daengx gih 11 aen hagdangz cauhlaeb doenggvaq PPT langhbaij gij cingzgoj hong cauhlaeb hagdangz guhyiengh minzcuz vwnzva gyauyuz bonj hag- dangz haiguh haenx, langhbaij bonj sawsonhag hagdangz bonjfaenh, doek- laeng Loz Sugez gyausou、 Lij Fuzcoz gyausou diemjbingz gij hong cauhlaeb hagdangz guhyiengh minzcuz vwnzva gyauyuz gih raeuz.

12 hauh banhaet, youq gwnz aen hoih cungjgez fat mbaw baizbenj “hagdangz guhyiengh minzcuz vwnz- va gyauyuz Guengjsae Bouxcuengh Swcigih” hawj 38 aen hagdangz buek daih’it doenggvaq cauhlaeb niemhsou habgek haenx.

Fat baiz gietsat le, Swcigih Gyauyuzdingh fudinghcangj Sunh Gozyouj guh gangjvah, de daj cingcuj banhhag dinghvih、 dajcauh gung vunz vanzging、 haifat yaubwnj gocwngz、 daejniemhsik gocwngz hozdung、 lauxsae ciennieb majbaenz daengj fuengmienh cungfaen haengj- dingh le gij cingzcik hong cauhlaeb hagdangz guhyiengh minzcuz gyauyuz gih raeuz aeundaej haenx.

Veiz Lanzmingz doiq baez hoz- dung neix guh cungjgez seiz daezok sam diemj iugouz: It dwg gvaqlaeng cauhlaeb seiz, hagdangz cauhlaeb aeu dawz cauhlaeb daegsaek hagdangz caeuq cauhlaeb daegsaek hanghmoeg faen cingcuj, mbouj ndaej doxgyaux; ngeih dwg cauhlaeb daegsaek hag- dangz, dwg vih daezsang sonhag caetliengh, mbouj ndaej vihliux cauh- laeb cix bae cauhlaeb, aeu dawz cauhlaeb hozdung caeuq sonhag dox giethab, daezsang sonhag caetliengh; sam dwg cauhlaeb danhvei cauhlaeb seiz, aeu faen cingcuj cawjdaej, Swcigih Gyauyuzdingh dwg danhvei haeujcoengh, mbouj dwg cauhlaeb danhvei, hagdangz cij dwg gij cawjdaej cauhlaeb danhvei.