Mbauq: 男：

Duzfungh yaek hwnj mbin 凤凰将飞翔

Hwnj gwnz mbwn 上青天

Nyanh ndawsim doeknaiq 雁内心悲观

Fungh bae youz seiqgyaiq 凤去游世界

Ndwenngoenz naih(nanz) 日子久

Nyanh bae baihlawz ra 雁去哪里找

Sau: 女：

Fungh bek fwed hwnj mbin 凤拍翅飞翔

Mbouj lau rumz 不怕风

Nyanh ndawsim gaej naiq 雁心不悲观

Dwg duh raeuz seiqgyaiq 是我们世界

Gangj saedcaih 讲实在

Fungh mbouj naih(nanz) couh ma 凤不久就回

Mbauq: 男：

Fungh mbin bae coh va 凤朝花飞去

Gvaq laengbya 过后山

Vagimngaenz caengz baih 金银花未败

Yawj baihrog seiqgyaiq 看外面世界

Angqyangz lai 快乐多

Muengh mbouj naih(nanz) couh ma 望不久回来

Sau: 女：

Bakdou miz go’ndoek 门前有大竹

Fwn lij doek 雨还下

Dawz lajgoek hwnj rangz 守树下长笋

Fungh mbin bae mbouj nanz 凤飞去不久

Ndawsim angq 心开朗

Dauqma ranz guhdoih 返回家做伴

Mbauq: 男：

Fungh mbin bae baihsae 凤飞去西天

Sim hoengzrad 心红通

Nyanh henz roen dawz caj 雁路边守候

Deq nanz fungh mbouj ma 等久凤不回

Caen naeuz gyaj 真或假

Lau maxnyawh vuenh cauz 怕玉马换槽

Sau: 女：

Mbouj mbin gvaq byai bya 不飞过山巅

Fungh gangj gvaq 凤讲过

Cijaeu va gungh ngeiq 只要花共枝

Fungh ndawsim rox geiq 凤心里可记

Dai roengz deih 死下地

Vanzlij niemh daengz mwngz 还会念到你

Mbauq: 男：

Bakdou miz goraeu 门前有枫树

Mbwn hwnj rumz 天起风

Lau duzfungh mbouj ma 怕凤凰不回

Fungh mbin bae coh va 凤飞去朝花

Gangj vah gyaj 讲假话

Yoeg go gvaq couh lumz 骗了哥就忘

Sau: 女：

Fungh mbin gvaq byai bya 凤飞到山顶

Nyanh dawz caj 雁等候

Fungh dauqma mbouj nanz 凤回来不久

Daengz ngoenz sam nyied sam 三月三那天

Beix caeuq nuengx 哥和妹

Daeuj guh fwen geij ngoenz 来唱歌几天

Mbauq: 男：

Raeuz song vunz gangj gvaq 咱两人讲过

Cienz vah caen 全真话

Coenzcoenz geiq ndawsim 句句挂内心

Sam nyied sam ngoenzhaenx 三月三那天

Raeuz song vunz 咱两人

Daeuj dingh cin baenz doiq 来定亲成对

Sau: 女：

Fungh nyanh mbin gwnz mbwn 凤雁飞天上

Doengz aen sim 同颗心

Bak gamz gung caeuq cienq 嘴衔弓和箭

Fangzhwnz ndaej saedyienh 梦想得实现

Diemz ciengxlwenx 永远甜

Ngaenzcienz vuenh mbouj ndaej 金钱换不了

Mbauq: 男：

Nyanh fungh mbin gvaq gyaiq 雁凤飞过界

Angqyangz lai 太高兴

Fwed gim daix daengngoenz 金翅托太阳

Sam nyied sam daeuj daengz 三月三来到

Raeuz song vunz 咱两人

Gvaq vuenyungz saedceij 过幸福日子

（sat）