Mumh haeuxdaeq daeuhfouh,

Caeuq byanouq cawj dang,

Cawj ndei dawz hwnj langh,

Gwn dang ndaej yw bingh.

玉米须和鲜豆腐，要同泥鳅一起煮，

煮熟以后拿来吃，既能治病又排毒。

Aeu buenq gaen byanouq,

Coux raemx ciengx song ngoenz,

Daeuhfouh mumh daeq goenj,

Gwn roengz ndaej gyoenq doeg.

鲜活泥鳅够半斤，清水放养二日整，

二两豆腐玉米须，煮了喝汤能治病。

Suenq baenz go daeuj saemz,

Yaenj gwn raemx couh ndaej,

Ngoenz gwn song sam baez,

Goj ndaej yw okdungx.

大蒜用刀慢切细，一起捣烂后取汁，

一天喝它两三次，能治好湿热痢疾。

Byaekiemjsae ndaw reih,

Swiq ndei daeuj baek dang,

Yw okdungx daeuj gangj,

Dang de yaugoj maenh.

马齿苋在地里长，摘来二两煲成汤，

喝了可治拉肚子，可见药效非常强。

Byaekroemaeuj swiq cingh,

Itdingh aeu ronq lawh,

Gyaux roengz haeuxsuen cawj,

Gya gyu dawz daeuj gwn.

洗净切好紫苋菜，粳米和盐加下来，

再放下锅一起煮，喝了湿痢停得快。

Raemx makit raemx hing,

Ndingq roengz ndaw cazloeg,

Gij diengzrwi hix boeg,

Soeg ndei swnh ndat gwn.

葡萄生姜榨取汁，然后倒入绿茶里，

蜂蜜适当加一点，趁热把它喝下去。

Vangzgiz caeuq vuhmeiz,

Bwh ndei daeuj cienq dang,

Cienq baenz dawz hwnj langh,

Gwn dang rih couh dingz.

找来黄芪一两整，乌梅三十克就行，

用来煲汤当茶饮，虚寒痢疾就能停。

Haeuxsuen yaek cawj ndaej,

Dawz mbalingz bae roengz,

Caiq cawj oemq daengz doengq,

Coengh di dangznding gwn.

先将粳米煮半熟，再加菱粉继续煮，

一点红糖加下去，起锅可吃菱粉粥。

Youzcehbyaek raemx hing,

Ciengqyouz gyaux nohmoz,

Coh ndaw haeuxsuen coq,

Cawj gwn goj bouj mamx.

酱油菜油和姜汁，拌好牛肉放碗里，

粳米煮到半熟时，倒入牛肉煮饭吃。

(caengz sat)