Vihliux gyagiengz hagdangz fazci gensez, daezsang hagseng fazci yisiz, fuengzre hagseng famhcoih, son hagseng yungh fazliz baujhu bonjfaenh, daj iq lienh baenz sibgvenq ndei cunh gij souj fap, 5 nyied 9 hauh, Gunghcwngz Yauzcuz Swciyen Yenciz Itsiuj guh le aen hozdung“fazci haeuj hagdangz” senhconz, lij iucingj ndaw yienh gyauhgingj dadui gingjgvanh daeuj daengz ndaw hag cauhcangz guh le ciengz sengdoengh fazci conhdiz baugau he.

Aen gyangjcoz neix gangj ndaej ndei raixcaix, youh caenciet youh doxdoengh, gyoengq lauxsae caeuq hagseng bekfwngz haenhndei, senhconz hozdung cangyi hagseng maranz doiq bohmeh guh senhconz, aeu fwngz iq rag fwngz hung, dabdaengz gij senhconz yaudoj “1+1”.

（Liengz Veih/梁 辉 Denz Yagenh/田夏娟）