Yungzsuij Myauzcuz Swciyen dawz daezsang vunzlai lajmbanj siujsoq minzcuz vut gungz baenz miz guh cungdenj, yungh seiq aen banhfap haenqrengz gyaak hwnjguh mbanj daegsaek siujsoq minzcuz.

It laebbaenz yienh “mbanj daeg- saek” guhhong lingjdauj siujcuj, laeb “mbanj daegsaek bangunghsiz”, gij yanghcin miz yinvu hwnjguh mbanj daegsaek haenx anbaiz ganbu fucwz ca hong mbanj daegsaek.

Ngeih dwg dingh ok hengzguh fueng’anq yungh sam bi hwnjguh “mbanj daegsaek”, faen duenh、 faen yamq haiguh hwnjguh lajmbanj “sam va gaij ndeu” seiq aen gunghcwngz hung, hong baujhoh conzdungj minzsuz vwnzva Myauzcuz、 Dungcuz、 Yauzcuz caeuq cungdenj hanghmoeg.

Sam dwg cingjceih vanzging veiswngh, gaijndei yienghsiengq aenmbanj. Moix aen mbanj daegsaek boiq miz bouxbaetgai, hwnjguh dieg coemh nyapnyaj, singz mbanj song gaep haiguh baet seuq vanzging; song bi guhsat cek diengzhaex caeuq diengzmou henz roen yanghcin、lajmbanj yawj ndaej haenx. Dawz aenmbanj vanzging cingjceih guh fwngzgaem, haenqrengz hengzguh vanzging bienqseuq、 daj- ndongj roenloh、 bya’ndoi gyanghongh luzva、 ndaw mbanj ranzlaeuz meijva “seiq va” gunghcwngz.

Seiq dwg dawz mbanj daegsaek siujsoq minzcuz guh caidij, bang doi swnjcienz hwngfat minzcuz vwnzva maenhndei. Gaenh bi neix daeuj, bued roengz ngaenzcienz cienhangh hwngfat siujsoq minzcuz, dajcauh baenz mbanj daegsaek siujsoq minzcuz Yanghfwnj Yangh Yijbuz Cunh、 Ginhlanz Denz- dangz Cunh; Swyungz Yangh Dungh- denz Cunh Denzdouz Mbanjmyauz、 Mbanjdunghgyangh Iq, Yungzdi Mbanj- dung, Yungzdangz Mbanjmyauz; Anhdai Yangh Beizsiu Cunh、 Yenzbauj Cunh daengj guh daiqbiuj haenx, hwngfat baenz buek dinfwngz conzdungj minz- cuz、 gijgwn minzcuz daengj daegsaek canjnieb he, swnjcienz caeuq baujhoh conzdungj vwnzva siujsoq minzcuz doengzseiz, coicaenh vunzlai gungzhoj siujsoq minzcuz dangdieg laisou baenz miz.

(Cinz Cunghdwz/陈忠德 Veiz Yungzcunh/韦荣春)