Byaij haeuj Mbanjsizveiz, daengx aen mbanj yienghsiengq gaeuqgeq youh raen daegsaek minzcuz yienhda. Gizneix gaenq baenz diemj guhyiengh hwnjguh lajmbanj moq caeuq mbanj guhyiengh daegsaek fungsug minzcuz lijyouz. Bi 2014 ndwen 9, buek daih- it 340 aen youz Guekgya Minzveij ancoh guh “aenmbanj daegsaek siujsoq minzcuz Cungguek” ndawde, Mbanjsizveiz ndaej lied youq ndawde.

Mbanjsizveiz dieg youq Cunghsiz Cunh Dunghmwnz Cin Lozcwngz Mulaujcuz Swciyen, liz yienhsingz 4 goengleix gyae, byabo、doenghnaz、diuzdah sam mbiengj hopheux, gingj- yawj swyenz gvangqmiengx gyaeu- ndei, saenzgeiz daegbied. Ciuq sawgyog singq Yinz caeuq Yungjanh beigoengdaek geiq naeuz, Mbanjsizvei cojgoeng senj daengz gizneix anyouq gaenq miz 640 lai bi, seizneix daengx mbanj miz 125 ranz 456 vunz, cungj dwg vunz Mulaujcuz singq Yinz. Ndaw mbanj seizneix lij louzce miz 70 lai aen ranz gaeuq, dingzlai dwg youq Ciuhcingh caeuq seiz Minzgoz hwnjguh, cungj dwg yiengh gyaqdaep ciensiu faexbenj, dingjranz vanglingq yiemhranz gungjngaeu; vehbangx- ciengz yiemhranz caeuq gwnz faq- ciengz baihndaw cingsaeq, aencueng guenghva yienghdoz lai cungj, hong deugaek cinggiuj, dwg gij daiqbiuj aendajcaep caeuq hong dinfwngz faexbenj gaekdeu conzdungj Mulauj- cuz Lozcwngz. Baihlaeng aenmbanj miz faq ciengzrin 70 lai mij raez、mbangj aeu sahoi gyaux naez caep baenz ndeu, gwnz ciengz louz miz congh nyingzcungq caeuq dieg dawzneuz, dwg faqciengz redangj ceiq hung ceiq caezcingj Lozcwngz seizneix raen miz haenx. Beigoeng- daek Giuzyungjanh、rindiuz congh- mboq geq、Giuzbenjrin、diuzganjrin goengmingz daengj rizgeq vwnzvuz seiqhenz mbanj, guhcingq le gij lizsij ronghlwenq aen mbanj neix, doznaek gij vwnzva nanwt Mulaujcuz singq Yinz. Ndaw mbanj seizneix lij miz “cietyihfan”“sam nyied sam”“six ndwenngeih” daengj ngoenzciet conz- dungj, miz gij heiqhom vwnzva caeuq fungcingz minzcuz Mulaujcuz naek- nwt.

Bi 2012, Mbanjsizveiz ndaej Swcigih Minzveij lied guh “aenmbanj daegsaek henhoh caeuq hwngfat” hanghmoeg sawqdiemj le, Lozcwngz Yenveij、 Yen Cwngfuj swnh seiz- ndei guh sonyinx, bang aen mbanj neix giethab hwnjguh “Guengjsae gyaeundei·lajmbanj seuqcingh”, dawz mbanj gaeuq laebbaenz aen mbanj moq doznaek vwnzva lizsij Mulaujcuz、baijyienj vwnzva fungsug minzcuz caeuq youzcet yawjgingj doxcomz miz caez ndeu. Ndaw yienh cingjhab cienzngaenz 500 lai fanh maenz, hawj guh roenmbanj、roen- luengqhongh、mieng baiz raemx giz dong gyapnyaj、diuzfai haenzdah caeuq roen youzcet, coihcingj dauq- fuk ranz gaeuq, ciuqei yiengh gaeuq hwnjguh laeuzdou Mulaujcuz、luengqhongh caeuq diengzyietnaiq, laebbanh Mulaujcuz minzsuz boz- vuzgvanj; doengzseiz guh le vwnzva yizloz cungsim、daizheiq、youqndwi gvangjcangz、cuzgiuzcangz daengj gizdieg youqndwi lienhndang, laeb- banh hwnj aendoih yienjheiq、aendoih foux saeceij caemhcaiq guh ndei hong son’gyauq, cujciz vunzlai guh yawjgingj nungzyez haifat daengj, dawz gij daegsaek Mulaujcuz doed- yienh okdaeuj, hawj aenmbanj bienq yiengh yinx vunz、vunzmbanj Mulauj- cuz saedceij ngoenz beij ngoenz ndei.