●5 nyied 5 hauh, Yungzanh Yen Gungh’anhgiz gihduz minzgingj ginggvaq coumaed cinhcaz, fatyienh Banjlanj Cin Sanhveij Cunh Mbanjsizdouzdenz miz bouxguhnaz ndaem goiennaez, gihduz minzgingj caeuq dangdieg baicuzsoj minz- gingj gig vaiq okdoengh, youq yienhciengz cazok muedsou goiennaez 35 go, mak goiennaez 117 aen.

(Danz Gaijhingh)

●5 nyied 6 hauh, Mungzsanh Yenveij lienzhab Sinhhih Cin, yungh ciet bouxcoz “haj seiq” guh seizheiq, youq Mauyiz Cunh banh aen yizsi venjbaiz camh fugsaeh gagnyienh bangfuz hauxseng nem “hauxseng fug- saeh·cangqheiq bangfuz” yawj- bingh hozdung mbouj aeu cienz, muengh doenggvaq camh fugsaeh bingzdaiz, comz bouxcoz engq lai gyahaeuj daengz gyang doih vut gungz gunggeng, gibseiz、 cinj- cing gaijgez saedsaeh hojnanz ranzgungzhoj, dazyinx gyoengqde gaenx guh baenz miz.

(Gvanh Sinh)

●4 nyied 29 hauh daengz 5 nyied 1 hauh, Denzlinz Yen Licouh Yauzcuz Yangh banh gaiq daeuz lijyouz bangfuz minzsuz vwnzva hozdung, baez hozdung neix yinx ndaej baenz fanh bouxhek daeuj youzcet byadah、 yawjngonz gofoux minzcuz、 yawjngonz ndangdaenj minzcuz、 cimz gijgwn ndei、 daejniemh youq ndaw suen mbaetsou daengj lajmbanj lijyouz ngaizhoengh.

(Vangz Biyen)

●Gaenh bi neix daeuj, Lingzyinz Yen Ya’gyaz Cin Gyasih Cunh dangjcihbu gaenx- maenx sonyinx vunzlai gungzhoj laebdin gijndei swhyenz, haenq- rengz hwngfat ndaem gonengz- nuengx ciengx nonsei, bi’gvaq daengx mbanj reh canjciz mauhgvaq 500 fanh maenz, bang ranzgungzhoj gyalai souhaeuj vut gungz. Binaengz 3 daengz 4 nyied mak gonengznuengx baenz le, yinx ndaej bouxhek caeuq bouxgyaez ingj siengq ndaw yienh rog yienh daeuj daengz dieg yawjngonz gingjsaek lij- youz、 mbaet mak caeuq ingj siengq, bang hwngfat lijyouz canjnieb Lingzyinz Yen.

(Vangz Yenzyungz Youz Bwnjbyauh)