Caux aen biengz siujgangh

Baengh dangj daeuj guhdaeuz

Saedceij vuenyungz raeuz

Aeu ginghci guh goek

Caez miz gwn miz daenj

Biengz onjmaenh ndei lai

Hwng vwnzva okdaiz

Bouxboux gvai fouzbeij

Dangj daz byaij daihloh

Lijlun moq caux baenz

Daengx guek angq daeuj gaen

“Haj yiengh aen cingjdaej”

Guekgya ciemh ngoenz ak

Minzcuz gag fuk hwng

Mbouj dwg gangj yaeuh mwngz

Biengz hwng daih miz muengh

Cin daengz mbwn lai raeuj

Haeuj suen raek faggeuz

Nye roz couh raed deuz

Go mbaw heu mwnnoengq

Hawciengz gauj hwnjbae

Gak dieg caez doxbouj

Daz boux gungz baenz fouq

Singz mbanj mbouj cengca.

Ndwn sang yawj ndaej gyae

Saeh doenghbaez geiq maenh

Dem “sam aen gag saenq”

Saenq hwng raeuz Cunghvaz.

Genhciz hag dangjcangh

Riengz Cunghyangh byaij ndei

Dangjyenz mbouj bouxyaez

Caez dajcaux guekcoj