4 nyied 27 hauh, Hocouh Si Bazbu Gih Minzcunghgiz youq Budouz Cin Vangzsiz Cunh Siujyoz banh aen ban son’gyauq dajsiuq、 ndangdaenj Yauzcuz, gyoengq lingjdauj Bazbu Gih Vwnzdijgiz、 Gih Fulenz daengj 30 lai aen minzcuz gunghcoz lenzsizvei cwngzyenz danhvei caeuq 50 lai boux yozyenz camgya hai ban yizsi.

Dinfwngz dajsiuq ndawbiengz dwg gij youqgaenj gapbaenz bouhfaenh minzcuz conzdungj vwnzva, swnjcienz、 baujhoh caeuq hwngfat dajsiuq Yauz- cuz dwg gij iugouz seizdaih haenx. Daj 2016 nienz 3 nyied hainduj, ginggvaq bi lai seizgan, Bazbu Gih haeujlaeg haiguh hong baujhoh caeuq swnjcienz dajsiuq Yauzcuz gij dinfwngz ndaw- biengz neix, gonqlaeng son’gyauq 320 boux bouxak dajsiuq, caux doxgaiq dajsiuq Yauzcuz gungh 560 lai gienh.

Baez son’gyauq neix, cingj swcigih gaep feihvuzciz vwnzva yizcanj hangh- moeg bouxswnjcienz Lij Sufangh daeuj vih gyoengq yozyenz gejgangj gij yienzleix fwngz siuq、 senj caizliuh、 dajveh、 vehdoz daengj cihsiz, caemh- caiq yungh yienhciengz guhyiengh、 yienhciengz guh daengj fuengsik, fwngz gaem fwngz son’gyauq yozyenz. Doeng- gvaq aen ban son’gyauq, cietsaed gyagiengz le gij cwzyinganj、 sijming- ganj gyoengq yozyenz doiq swnjcienz caeuq baujhoh vwnzva ndawbiengz minzcuz, doiq swnjcienz、 baujhoh、 gungganq caeuq hwngfat dinfwngz dajsiuq Yauzcuz miz coicaenh cozyung. Gwnz hai ban yizsi, lij fat ciengj hawj 2016 nienzdoh doxgaiq dajsiuq maenh- ndei dem.

(Liuz Cing/刘静 Mwz Ginj- swngh/麦谨生)