Ngux nyied dugenh hoengz

Doh ndoeng loeg youh ceij(cij)

Raeuz ndai naz mbak reih

Cungj ndaej geiq guh hong

“Haj it”ciet lauzdung

Gyoengqraeuz caez angqhoh

Vunzlai daenj buhmoq

Gyonglaz roq ndaej yiengj

Youq seiz caengz gaijfang

Bouxhoj dang vaiz max

Ngaiz caizcawj caqbaq

Ciuhvunz gvaq haemzhoj

Daj gaijfang haeujdaeuj

Raeuz guhcawj danggya

Guh hong cienzcaiz ma

Gvaq vuenyungz saedceij

Gunghyez raeuz fazcanj

Canjbinj miz cizlieng

Binjbaiz youq mbaeksang

Guekrog angq ma cawx

Gauhdez raeuz bae nyaemz

Gisuz gaem ndaej maenh

Saenzcouh hwnj mbwn haenx

Vunzbiengz haenh mbouj dingz

Nungzyez ciengz fungsou

Gwn mbouj you mbouj heiq

Caiq caeuq diegwnq beij

Raeuz engq heij okrengz

Ndaem faex youh caux ndoeng

Miz goenglauz hungmbwk

Swnghdai hah ndaej dwg

Vanzbauj wk giz uq

Ciengx mou youh ciengx yiengz

Ciengx bit caiq ciengx gaeq

Cienzcaiz yienghyiengh ndaej

Song fwngz daeh dawz ma

Guh hong caux doxgaiq

Seiqgyaiq bienq fouqmiz

Cax raeh baengh vunz diz

Suen nya miz vunz raeq

Raeuz miz dangj dazyinx

Baenaj mbin ndaej vaiq

Byaij coh cibgouj daih

Vaiqvued haeuj siujgangh

Angqhoh ciet “haj it”

Nditndat ciuq baihdoeng

Sing go swenj doh ndoeng

Va soengq hawj yinzminz