4 nyied 19 hauh, Sanhgyangh Dungcuz Swciyen Yangzhih Yangh Gauhlu Cunh gawjbanh ciet youzcaz vwnzva, dangdieg vunzlai aeu dwk youzcaz、baijdaiz youzcaz、yaeb caz doxdax caeuq minzsuz biujyienj daengj cezmuz ndeiyawj haenx angqcoux goekhawx, caenhliengh langhbaij Dungcuz youzcaz fungcingz, yinx ndaej haujlai hekyouz daeuj yawj gingj daejniemh.

Ciuq cam rox, cungj sibgvenq gijgwn dwk youzcaz Dungcuz neix, dwg daj Dangzcauz riuzcienz roengzdaeuj daengz seizneix, liz seizneix gaenq miz 1000 lai bi lizsij, de dwg aeu mbawcaz caeuq youzcaz daengj yienzliuh guhbaenz, 2014 nienz ndaej liedhaeuj mingz- loeg feihyiz gaep Guengjsae Bouxcuengh Swcigih.

(Gungh Bujgangh/龚普康)