4 nyied 18 hauh, Yungzanh Yen Gyauzbanj Yangh Gujbanj Cunh gawjhengz aen hozdung soengq moulwg hawj hohgungzhoj mbouj aeu cienz, banggungz danhvei dwg Gvangjsih Lizdangz Genhyuz, gyoengqde dawz 56 duz moulwg“sam yienz cab”caeuq buek swzliu moulwg he soengq hawj aen cunh neix 26 ranz gungzhoj mbouj aeu cienz, lij son gyoengde ciengx mou gisuz dem.

Ciuq cam rox, mbat neix soengq moulwg daeuj haenx moix duz daih’iek naek 20 goenggaen, gyaqcienz gyawj 1000 maenz yienghneix, moix ranz gungzhoj ndaej lingx song duz moulwg caeuq daeh swzliu moulwg 40 goenggaen gyaqcienz dij miz 188 maenz, ndawde, song hoh daegbied gungzhoj haenx moix hoh 4 duz moulwg caeuq song daeh swzliu moulwg.

(Danz Gaijhingh/谭凯兴)