3 nyied 28 hauh, Ginhsiu Yauzcuz Swciyen Donz Yenveij、Yen Vwnzmingzbanh、Yen Sijciban caeuq Yen Gyauyuz Gohgigiz lienzhab guh“cienzgangj gojgaeq yinghlez Yauzsanh, hungzyangz vwnzva conzdungj youhsiu” yienjgangj caeuq gangj gojgaeq doxdax. Doxdax faen miz cuj siujyoz caeuq cuj cunghyoz, itgungh miz 27 boux senjsouj camgya doxdax.

Mbat hozdung neix doengh boux senjsouj cingsaenz gvaekgvaek、lingzlaeux ndeigyaez, yienjgangj seiz gyoengqde mizseiz gangj dwk gaengq mengx mizseiz gangj dwk simcieg siengsim, niemhngeix gij yezciz ronghlwenq gyoengq yinghlez Yauzsanh, gikfat le gyoengq doengzhag gyaezguek cujyi cingsaenz caeuq minzcuz cujyi cingsaenz, ndaej hawj bouxdingq swiq simlingz laeglaeg mbat he, caenh’itbouh daezsang minzcuz swhauzganj caeuq saenqsim bonjfaenh.

(Vangz Siufung/黄秀凤）