Gangj daengz son lwgnyez,

Aeu roxndeq cij ndei,

Nyez rox siengj rox ngeix,

Aeu son ndei cij ndaej.

儿童教育要搞好，应该人人都知道，

小孩也有他思想，方法对路才好教。

Lwgnyez ndaej hop lai,

Wnggai ndaej byag nauq,

Vah mbouj gangj doxyaeuh,

Byag nauq nyez cij maj.

小孩得了一岁多，这时隔奶正适合，

说来不是骗人话，隔奶利于孩长个。

Lwgnyez gaenq byag nauq,

Hainduj aeu guenj ndei,

Yingzyangj yaek aeu meiz(miz),

Boiq ndei seizseiz yungh.

小孩如果隔了奶，也要费心费力带，

营养食物配备好，用时随手可拿来。

Lwgnyez ndaej hop lai,

Wnggai gag gwn haeux,

Bohmeh gaej laeg you,

Gag gwn laeng cij gvenq.

小孩长到一岁多，吃饭应该自己学，

父母别忧他不懂，让他习惯自己吃。

Lwgnyez ndaej hop lai,

Daiq ok rog bae youz,

Gaiciz ndaej supsou,

Ndang couh siuj deng bingh.

小孩得了一岁多，带到外面来坐坐，

钙质得到吸收好，小孩健康又活泼。

Lwgnyez hag byaij roen,

Doenx geij yamq couh laemx,

Gaej lau buhvaq ndaem,

De gag laemx gag hwnq.

小孩开始学走路，向前一步退几步，

跌倒脏了不要紧，让他爬起别去扶。

Lwgnyez ndaej geij bi,

Raen di doq naemj hag,

Bouxlaux gaej laeg gak,

Hag saeh ndei couh baenz.

几岁小孩好奇多，见到什么学什么，

大人不要来阻止，让他习惯自摸索。

Lwgnyez hag gangj vah,

Raeuz laeg ngah bae cauz,

Gangj loeng doeng mbouj lau,

Menhmenh gyauq couh rox.

小孩开始学讲话，我们不要去打岔,

即使讲错也不怕，让他多练音多发。

Lwgnyez gyau baengzyoux,

Couh wnggai gujli,

Aeu son mwh lij iq,

Di di doq rox saeh.

小孩玩耍交朋友，引导鼓励是大头,

要给小孩懂事理，就是教在小时候。

Hawj lwgnyez rox laex,

Saeh dwg bouxhung gyauq,

Rox gaeq bae gaeq dauq,

Gaej laeg nauh bouxhek.

要给小孩懂礼貌，这事要由大人教，

小孩从小懂事理，客人进家不乱吵。

Lwgnyez cungj ceuqleuz,

Dawz baet beuz luenh veh,

Mbouj yungh bae hut de,

Son de veh gwnz ceij.

凡是小孩都好奇，乱写乱画爱用笔，

大人不应呵斥他，画在纸上是正理。

Lwgnyez gyaez guhcaemz,

Caemh gaej dubdoh de,

Maj hung couh roxndeq,

Hagsib engq youqgaenj.

凡是小孩都爱玩，不要总是打骂他,

长大上学就知道，先写作业才去玩。