Sai:

Gingq mwngz nuengx boi laeuj,

Iet fwngz daeuj gaej mbwng.

Soengq boi laeuj daengz fwngz,

Mbouj gwn mwngz hix coux.

男：

敬你阿妹酒一杯，伸手来接莫要推。

阿哥真心真意敬，手伸出去难收回。

Mbwk:

Docih beix gingq laeuj,

Gou ciep daeuj couh gwn.

Laeuj ndei hom youh cunz,

Ngamq raen gou couh rox.

女：

多谢阿哥递酒来，妹不接杯理不该。

阿哥情真酒醇美，就算醉倒也要筛。

Sai:

Cung neix laeuj haeuxciem,

Nuengx gaej yiemz gaej nyah.

Ndaem mbouj baenz haeuxnah,

Vih dieg gyaj namh byom.

男：

再敬籼米酒一杯，还望阿妹莫要推。

想种糯米不成糯，全因秧田泥不肥。

Mbwk:

Cung neix laeuj haeuxnah,

Ndei gvaq laeuj haeuxyangz.

Ndaem coq naz raemx liengz,

Riengzriengz raez youh fag.

女：

糯米酒甜如放糖，比玉米酿更醇香。

稻谷过冬田里种，谷粒饱满稻穗长。

Sai:

Cung neix laeuj haeuxmaeg,

Bouxhek yiemz mbouj gwn.

Neix dawz daeuj gingq mwngz,

Nuengx rox daengz gaej ndaq.

男：

黑糯酿酒酒色差，味淡客人都嫌它。

如今斟来敬阿妹，莫骂阿哥故意拿。

Mbwk:

Ngamq coux daengz ndaw fwngz,

Caengz gwn sien fizfwg.

Cung neix laeuj haeuxmaeg,

Laeuj saek liengh lumj gim.

女：

刚把酒杯接手中，未尝双眼醉朦胧。

这酒虽是黑糯酿，酒色金黄香味浓。

Sai:

Laeuj gou feih daiq cit,

Vunz yienq hit mbouj dingz.

Ngauz laeuj mbouj hwnj cingz,

Dingh hawj mwngz gaij hat.

男：

阿哥熬酒淡如水，个个喝了都后悔。

技差熬酒少成色，全当解渴莫要推。

Mbwk:

Mwngz ngauz laeuj saefouh,

Rekrek laeuj cungj ndei.

Heiq rang mbin cien leix,

Vunz gyawjgyae cungj haenh.

女：

阿哥酿酒最有才，远近客人早传开。

酒一出锅香千里，不是茅台胜茅台。