Bi 2016, Hozciz Si yungh gyaudoeng giekdaej sezsih daveican guh fwngzgaem, netsaed doicaenh hong hwnjguh gak hangh giekdaej sezsih gyaudoeng lajmbanj, daengx si goengloh lajmbanj hanghmoeg bued roengz 6.82 ik maenz, dwg 102.6% nienzdoh cwzyin moegbiu.

Bi 2016 aen si neix onjyamq doicaenh hwnjguh goengloh haeuj mbanj, caenh’itbouh gaijndei gij diuzgienh vunzlai ok rog. Daengx si gungh hengzguh hanghmoeg roen- suijniz doeng mbanj 55 hangh 543.2 goengleix、 roen doxlienz yienh caeuq yanghcin 17 hangh 302.8 goengleix、 roen gaeb gya gvangq hanghmoeg 16 hangh 71 goengleix; giuz hwnjguh moq 8 aen 779 yenzmij、 gaij guh giuz vaih 2 hangh 104 yenzmij; hengzguh cawqleix huxndumj ancienz baujhoh gunghcwngz 18 hangh 125.6 goeng- leix, swnj guh bi 2015 ancienz fuengzre gunghcwngz 12 hangh; guh baenz diengz caj ci leih beksingq 45 hangh.

Daengz bi 2016 daej, daengx si goengloh gungh raez miz daengz 13132.68 goengleix, ndawde, goeng- loh sam gaep 1010.35 goengleix, goengloh seiq gaep 9920.5 goengleix. Lohsienq ci daehhek gyalai 26 diuz, ndawde lohsienq ci daehhek lajmbanj 21 diuz; gyalai ci daehhek doeng gencicunh 95 aen; daengx si lohsienq ci daehhek lajmbanj 397 diuz, gencicunh doeng ci daehhek cingzsoq daengz 77.5%.

Doengzseiz, haeujlaeg hong guenjleix henhoh goengloh lajmbanj, giengzvaq gamguenj roenloh dajyinh, gyalai saemjbae guenjleix caeuq cienhangh cingjceih gwnz roen ci “yiemj song hek ndeu”, caemhcaiq laebdaeb hengzguh ndei goengloh ancienz sengmingh fuengzre baujhoh gunghcwngz hwnjguh, caenh’itbouh daezsang gij suijbingz fugsaeh ancienz goengloh lajmbanj. Bi’gvaq, daengx si goengloh lajmbanj henhoh ndei daengz 100%, goengloh laj- mbanj hwnjguh caeuq guenjleix hen- hoh gyonjgyoeb bingzbeij laebdaeb baizmingz daengx gih baihnaj, ndaej bingz baenz daengx guek “bi bingzan roenloh dajyinh” hozdung cingzcik doed ok si gaep guenjleix gihgou.

(Veiz Canghyoz/韦昌学 Lanz Yez/蓝 悦)