Mboengqneix, Guekgya Minzveij Bangunghdingh、 Gyauyuzbu Ban- gunghdingh yaenq fat 《Gij Dunghcih Mizgven Ancoh Buek Daeuz Lajmbanj(Segih) Song Vah Saw Huzndei Daengx Guek》, Gveizdangz Cunh Cwngzcungh Cin Ningzmingz Yen Cungzcoj Si gih raeuz daengj daengx guek 7 sengj(swcigih) gungh 7 aen yanghcin(diuzgai、 suhmuz) roxnaeuz mbanj(segih) ndaej ancoh baenz buek daeuz lajmbanj(segih) song vah saw huzndei daengx guek.

Hong sawqdiemj lajmbanj song vah saw huzndei Gveizdangz Cunh Ningzmingz Yen gih raeuz cujyau dwg haiguh doxcaez hag caeuq huzndei yungh Cuengh、 Gun song cungj vah saw. Swcigih Minzyijveij hopheux cauxlaeb mbanj sawqdiemj Cuengh Gun song vah saw huzndei caeuq gij iugouz moegbiu cingcinj bangfuz vut gungz, gaenxmaenx boiqhab mizgven bumwnz, cungfaen fatok gij gaenx- maenxsingq caeuq cawjdoenghsingq “song veij” banhswj Gveizdangz Cunh caeuq Swcigih baij youq Gveizdangz Cunh dangjcujciz suhgi daih’it, gvangqlangh dungyenz vunzlai gak cuz Gveizdangz Cunh gaenxmaenx camgya cauxlaeb, netsaed doicaenh hong sawqdiemj Cuengh Gun song vah saw huzndei. Gonqlaeng gyagiengz senhconz fatdoengh caeuq son’gyauq sonyinx, guh baiz mbanj、 geiqhauh、 byauhyij senhconz yungh Cuengh Gun song cungj saw raiz, caux ok heiqfaenh ndei yungh Cuengh Gun song vah saw huzndei; hwnjguh cunhbu huzndei luengqhongh raez vwnzva senhconz Cuengh Gun song vah saw、ranz son- gyauq hagsib Cuengh Gun song vah saw, dwksaed aen bingzdaiz hagsib hwnjguh lajmbanj huzndei Cuengh Gun song vah saw; banh ban son- gyauq fwen Cuengh Gun song vah saw caeuq bouxguhnaz hag Sawcuengh hag gohgi, banh ciet bofwen, hoih doiq fwen、 mbanj caeuq mbanj doxdax dwk lanzgiuz、 denyingj Vahcuengh roengz mbanj daengj lai cungj lai yiengh hozdung vwnzva dijyuz Cuengh Gun song vah saw huzndei, doicaenh huzndei caemh youq、 huzndei hagsib yungh Cuengh Gun song vah saw. Ginggvaq bi ndeu netsaed sawqdiemj, ganbu ginzcung Gveizdangz Cunh doiq gij leixniemh Cuengh Gun song vah saw diegvih faplwd doengzbingz、 hag yungh doengzbingz、 Cuengh Gun song vah saw huzndei cugyamq haeujlaeg simvunz, hagsib yungh saw vah doeng’yungh guekgya caeuq Saw- cuengh Vahcuengh gaenq baenz gij hingzveiz gagnyienh gagrox, gij naengzlig yungh saw vah doeng- yungh guekgya ganbu ginzcung gak cuz ndaej daezsang haemq lai, swhyenz vwnzva Vahcuengh ndaej baujhoh、 swnjcienz caeuq hwngfat haemq ndei, hwnjguh aen bingzdaiz lajmbanj Cuengh Gun song vah saw huzndei daengx cunh aeundaej cingzcik yienhda.

Hong hwnjguh lajmbanj(segih) song vah saw huzndei daengx guek, dwg Guekgya Minzveij、 Gyauyuzbu youq bi 2015 byongh bi laeng anbaiz haiguh, dingh Gveizdangz Cunh Ningzmingz Yen gih raeuz caeuq Neimungzguj、 Sihcang、 Liuzningz、Gveicouh、 Swconh、 Ganhsuz daengj 7 sengj (swcigih) gungh 7 aen yanghcin (diuzgai、 suhmuz) roxnaeuz mbanj (segih) guh sawqdiemj, gak danhvei giethab saedsaeh guh hwnjguh sawqdiemj bi ndeu, yaek- siengj doenggvaq gangjvah doxdoeng ndaej lai saedyienh gamjcingz dox- doeng、simlingz doxdoeng, coicaenh gak cuz vunzlai doxlieb doxgyau doxhaeuj, demcaenh minzcuz doxgiet. Gak dieg mizgven cungj gig yawj- naek, cawjdoengh bae guh, mbeilaux damqra, onjdwt doicaenh hong sawq- diemj, aeundaej cingzyauq haemq yienhda. Vih hawj gij cozyung daiqdoengh guhyiengh fat ndaej engq ndei, ginggvaq niemhsou bingzsaemj caemhcaiq gunghsi, gietdingh ancoh Gveizdangz Cunh gih raeuz daengj 7 aen sawqdiemj guh buek daeuz aen- mbanj(segih) song vah saw huzndei daengx guek.