3 nyied 16 hauh,“Ciet Roengzdoengh Gozci Beixnuengx Cung Yez Nem Baujhih‘2·19’Ciet Vwnzva Ngoenzseng Guenyaem”youq Dasinh Yen Baujhih Yangh Baujhih Segih Vwnzva Gvangjcangz hoenghhwd gawjhengz.

Ramz Guenyaem、fouxlungz 、fouxsaeceij、fouxfaexsaux daengj 20 hangh minzsuz conzdungj hozdung laebdaeb banh le 3 ngoenz, yinx ndaej Cungguek caeuq Yeznanz hekyouz sam fanh lai vunz daeuj yawjngonz daejniemh.

Ciuq camrox, aen hozdung neix gaenq cienzciep geij bak bi, lij youq 2016 nienz ndaej liedhaeuj mingzloeg Swcigih feihvuzciz vwnzva yizcanj.(Cinz Civanj)