Sai:

Song duz bit roengz dah,

Duz gvaq laj gvaq gwnz.

Mbiengj dah miz bouxvunz,

Lumj bazhwnz raen gvaq.

男：两只鸭下河，水上下各一。

对河有一人，似梦中见过。

Mbwk:

Ciuh vunz geq baenzneix,

Raen faexsaux daemx mbwn.

Gyangngoenz caen bazhwnz,

Miz vunz ndwn doiq dah.

女：活到这么老，见竹竿顶天。

想来真有人，把梦当作真。

Sai:

Hauq daeuj mwngz mbouj saenq,

Gonq aeu daengq daeuj naengh.

Danghnaeuz mwngz mbouj

nyaengq,

Haengj daeuj lwnh goekyouz?

男：讲来你不信，先把凳子坐。

如果你不忙，愿来论根源？

Mbwk:

Mwngz cungj mbouj lau nyaenq,

Gou cix nyaenq gijmaz?

Mbanj gwnz dax mbanj laj,

Yawj bouxlawz naj na.

女：你都不怕丑，我又怕什么?

上村比下村，看谁脸皮厚。

Sai:

Nuengx yaek hamj gvaq dah,

Beix gaem cax nda giuz.

Daengz nuengx doengzeiq iu,

Ndang guh giuz cungj nyienh.

男：妹妹要过河，哥拿刀架桥。

得邀请玩耍，用身体做桥。

Mbwk:

Mbouj miz giuz caemh dap,

Gvaq cab guhdoih mbin.

Bungq ciengz vat congh cin,

Doengz gaek rin camh roen.

女：没桥一起修，过闸一起飞。

遇墙挖洞穿，刻石来做路。

Sai:

Gofaex youq gwnz dat,

Baengh goekrag maeuj gemz.

Song boux coenz doxnem,

Sim gou remj lumj feiz.

男：树木在悬崖，倚靠其主根。

两人话投机，我心如烈火。

Mbwk:

Daengngoenz yaek doek congh,

Ronghgywg ndongq lumj gim.

Danghnaeuz caez miz sim,

Aenyienz daeuj doxboiq.

女：太阳要下山，金光亮闪闪。

真有心相好，姻缘来相配。