3 nyied 8 hauh, cingq dwg Lingzyinz Yen Swcwngz Cin Lungjhau Cunh vamoeggva、vadauz、valeiz、valwgmaenj daengj gak cungj va doxciengj hai hoengh lumj feiz seiz, youz Vwnzdij Gvangjdengiz、Minzcuz Swvu、Swcwngz Cin lienzhab youq ndaw suenva banh aen hoih eufwen yawjva “sam nyied sam”.

Gyoengq canghfwen Bouxcuengh、Bouxgun、Yauzcuz dangdieg daj gak yanghcin daeuj haenx youq ndaw suenmak caenhcingz sing get dwk ciengq, cienz cingz yienh eiq, caez ciengq gij saedceij vuenyungz, doxdoiq ciengq mizyinx raixcaix. Sing fwen youq ndaw bya rwenzrwdrwd, gij eufwen ciengzmiemh gyoengqde hawj bouxyawj got dungx dwk riu raixcaix.

(Lij Caijlanz/李彩兰)