Gyoengqde mbouj ndaej doiq gou baenzlawz yiengh law, gyoengqde dwg daeuj yawj nauhyied. Vihneix gou gietdingh laebdaeb hemq, gou mbouj- guenj vunz ndaw mbanj baenzlawz dep gou, lijdwg yaengx lahbahdienh:

Lanz Yezgyauh youq gyawz? Sou byawz rox?

Mbouj miz saek vunz dap gou.

Baenzneix gou gietdingh baenz boux baenz boux cam: Mwngz rox Lanz Yezgyauh ndoj youq gyawz lwi? Gou dauqcungz gangj gawq vah neix ngeihcib baez.

Ngeihcib aen gyaeuj ngauzngwdngwd ciep coenz vah gou. Youq mwh gyoengqde ngauz gyaeuj, gou naemj ciep roengzdaeuj baenzlawz guh, aenvih gij yiengh gou seizneix couh lumj bouxlingjdauj Laujcangj Laujlanz caeuq Laujliuz sam bouxgeq, baez cam boux he boux haenx couh bietdingh doiq gou ngauz gyaeuj, gagnyinh simsangj raixcaix, yienznaeuz cam mbouj ok gijmaz. Gou naemj danghnaeuz gou seizneix gyau aen lahbahdienh hawj Laujlanz, couh lumjbaenz gou mbouj miz bonjsaeh lo. Gou gietdingh, danghnaeuz Laujlanz mbouj aeu aen lahbahdienh gvaqbae, gou lij hemqcaca roengzbae. Hawj bang vunz dangqnaj ciengxlwenx geiq ndaej gou, hix hawj Lanz Yezgyauh ndoj youq baihlaeng yawjriu haenx ciengxlwenx geiq ndaej gou.

Gou caen dwg baenzneix guh lo.

Gou youq baihnaj lahbahdienh yienznaeuz myaizsanq hozhawq, singyaem lij goksasa, daengx mbanj cungj dwg gij singyaem gou. Caenhdwg gyoengq vunzmbanj mboujwt mboujw. Gou hemq gij vah haenx gyoengqde cungj sug, ndigah gyoengqde gaenbonj dingq mbouj haeuj rwz. Laujlanz Laujcangh caeuq Laujliuz ndwn youq gizhaenx dinghswdswd. Gyoengqde mbouj miz saek boux ndwn okdaeuj boiqhab gou, lumjbaenz ndenq huzraemx daeuj hawj gou ndoet saek gaemz, gyoengqde lumjbaenz yawjheiq nei. Mwh gou baenzneix naemj le gou demq gyoengqde baez he. Bonjlaiz gou dwg siengj hemq coenzvah dem le dingz roengzdaeuj cam Laujlanz bouxlingjdauj ngoenzneix dou wngdang baenzlawz guh. Hoeng gou raen gyoengqde sam boux cungj yawj gou, lumjbaenz gij saeh neix mbouj gven gyoengqde nei. Gou couh miz di ndatheiq lo. Nanzdauh dan dwg gij saeh bonjfaenh gou lwi? Yawj hwnjbae gyoengqde lau mazfanz, danghnaeuz seizneix vunz ndaw mbanj byawz hwnjdaeuj fak rwz gou gyoengqde haengjdingh mbouj bang gou. Gou naemj danghnaeuz gou dingz roengzdaeuj cam Laujlanz dou baenzlawz guh gou couh suenq bouxlan de. Gou gietdingh danghnaeuz seizneix de caeuq gou aeu aen lahbahdienh gou hix mbouj hawj de. Gou mbouj ndaej dingz roengzdaeuj.

Gou youh dauqcungz hemq baez dem.

Mbouj siengj daengz gou caengz hemq baeg, dauqfanj dwg vunzmbanj dingq baeg lo, gyoengqde boux riengz boux cienq ndang dauqbae. Yaepyet couh mbouj miz saek boux dingq gou hemq lo. Seizneix Laujlanz Laujcangh Laujliuz cungj riuhaha. Lumjbaenz gyoenqgde caeux couh caj seizneix lo.

Vunz cungj dauqbae liux, gou lij hemq hawj byawz dingq? Gou dingz roengzdaeuj. Hozhawq raixcaix, gou gwn raemx gonq, hoeng huzraemx venj youq gwnz ndang Laujlanz, gou mbouj ndaej mbouj byaij gvaqbae caeuq Laujlanz aeu raemx gwn, doengzseiz mbouj ndaej mbouj gyau aen lahbahdienh hawj de. De nyaenj aen go, singgo rag raezrangrang, dienh cungj ngaiz gou hemq liux lo. De daj ndaw daeh aeu aen dienh moq okdaeuj vuenh haeujbae, baez sawq, singgo gok lo.

Laujlanz naeuz, dou hai aen hoih he.

Baez gangj hai hoih, dou geij boux vunz couh cingsaenz raixcaix, caen dwg yienghneix, youq gwnz seiqgyaiq neix, caiq mbouj miz gijmaz beij ndaej hai hoih sawj vunz cingsaenz sadsad lo.

Dou seiq boux vunz couh naengh youq bakdou ranz Lanz Yezgyauh haihoih, aen hoih lwnh dwg louz roengzdaeuj laebdaeb ra Lanz Yezgyauh roxnaeuz dauqbae? Mwh Laujlanz daezok aen vwndiz neix le, sam boux de cungj lumj doxiu ndei nei liuq gou. Gou sikhaek roxyiuj lo, laxlawz gyoengqde dwg gaujniemh gou duzroeg nyaeq ngamq hag mbin、duzbit oiq ngamq hag youzraemx neix. Sam ndaek geq neix, danghnaeuz gou ngoenzneix mbouj guh baenz yiengh saeh neix, gyoengqde haengjdingh yawjsiuj gou, youq ndaw da gyoengqde, gou haengjdingh mbouj lumj Veiz Gyangh ngaiz Lanz Yezgyauh nyoengx roengz lajdat haenx nei. Baez siengj daengz Veiz Gyangh, gij lwed daengx ndang gou couh nyoenx hwnj gwnz gyaeuj bae. Vihle de hix vihle gou, gangj gijmaz ngoenzneix hix ra raen Lanz Yezgyauh.

Mbouj ndaej dauqbae, ngoenzneix itdingh aeu ra raen Lanz Yezgyauh! Gou rongx hwnjdaeuj.

Baenzlawz ra? Gag boux gag haeuj ndaw ndoengfaex bae ra? Laujliuz naeuz.

Gou mbouj dapvah, aenvih bouxhuk cij baenzneix guh.

Roxnaeuz youq gizneix caj? Laujcangh gaendwk cam.

Gou lijdwg mbouj hoizdap, aenvih mazmwnh youq gizneix caj, ngawz lumj haeuj ndaw ndoengfaex bae ra nei.

Yienghneix couh dauqbae lo, sanq hoih! Laujlanz naeuz, de ndwn hwnjdaeuj, lumjbaenz gig saetmuengh.

Gou roxyiuj, Laujcangh Laujliuz Laujlanz, sam bouxgeq neix, lumj sam boux lauxsae nei, cingq bik gou boux hagseng neix gangj aen dapanq habngamj okdaeuj. Gou guh hawj gyoengqde yawj.

Dub aen dou de! Aeu gij doxgaiq dij ngaenz ranz de liux bae!

Gou gangj aen dapanq habngamj gou okdaeuj.

Lumjbaenz gij lwed gou youq ndaw aek lae vaiq lai, lumj raemx nei saek aen hoz gou, gou youq bakdou ranz Lanz Yezgyauh aegogo. Gou raen lwgda Laujcangh Laujliuz Laujlanz ronghsagsag. Yawj ndaej ok, gyoengqde beij gou lij siengj baenzneix guh. Daegbied dwg Laujlanz, gou seizneix ceiq lumj boux hagseng de ceiq gyaez ceiq miznaj de.

Mbouj ndaej, Laujlanz naeuz, cujyau dwg guh daengz hawj de fug, aeu gangj dauhleix……

(5)

他们对我构不成什么威胁，他们是来看热闹的。于是我决定继续喊，我不管村里人离我们很近，仍然举着电喇叭：

蓝月娇在哪里？你们有谁知道？

没有一个人回答我。

于是我决定一个一个问：你知道蓝月娇躲在哪里吗？我将这句话重复了二十遍。

迎接这句话的是二十颗摇动的头颅。在他们摇头的过程中，我想接下来我该怎么办，因为我现在的这个模样就像是老张老兰和老刘他们三个老家伙的领导，每问一个人那个人就必须对我摇头，感觉很是不错，虽然没有问出什么。我想这时候如果我把电喇叭交给老兰，就显得我很没本事。我决定，只要老兰没有跟我要电喇叭，我就会滔滔不绝地喊下去。让眼前的这群人彻底地记住我，也让那个躲在附近看我们笑话的蓝月娇彻底地记住我。

我真的这样做了。

我在那只电喇叭前唾沫横飞，声音高亢洪亮，整个村庄全是我的声音。只是那群村民面无表情。我喊的内容他们都很熟悉，所以他们根本就听不进去。我们的老兰老张老刘也面无表情。他们也不知道站出来配合我一下，比如递水壶过来给我让我润润喉什么的，他们似乎在看我的好戏。当我脑子里闪过这个念头时我看了他们一眼。本来我是想喊完一段话后就停下问我们实际上的领导老兰一声我们应该怎么办。但是我发现他们三个人都看着我，一副事不关己的样子。我就有点生气了。这难道是我一个人的事情吗？他们一副怕麻烦的样子，如果现在村里人有谁冲上来扇我一记耳光他们肯定不帮我。我想如果我停下来问老兰我们应该怎么办我就是个不折不扣的孙子。我决定就是他现在跟我要电喇叭我也不会给他了。我不能停下来。

我又将喊过的话重喊一遍。

没想到我没有喊累，倒是村里人听累了，他们纷纷转身离去。我一下子就没有了听众。这时候老兰老张老刘就笑了起来。他们似乎在等待这个时刻的到来。

人都没了，我还朝谁喊？我不得不停下。我口渴得厉害，我得先喝水，但是水壶挂在老兰的身上，我不得不走过去跟老兰要水喝，同时不得不将电喇叭交给他。他摁响音乐，音乐黄不拉叽的，电池都被我喊完了。他从包里拿出新电池换上，一试，音乐嘹亮。

老兰说，我们开个会。

一说开会，我们几个人的神情顿时就庄重起来了，确实是这样，在这个世界上，再也没有什么比得上开会更让人神情庄重的了。

我们四个人就坐在蓝月娇家的门口开会，会议的议题是，是留下来继续找蓝月娇还是回去？当老兰把这个问题提出来后，他们三个人都约好了似的看着我，火辣辣地。我顿时明白，原来他们是在考验我这个刚学唱的嫩鸟、初下河的绒毛鸭仔。这三个老家伙，我今天如果不做出点什么来，他们肯定会小看我，在他们眼里，我肯定不如被蓝月娇推下山坡光荣骨折的韦江。一想到韦江，我全身的血就慢慢地往头上涌。为了他也为了我，说什么今天也要把蓝月娇找出来。

不能回去，今天一定要找到蓝月娇！我吼了起来。

怎么找？分头到树林里去找？老刘说。

我没有回答，因为分头到树林里去找几乎就是天下最傻的事情。

还是在这里死等？老张接着说。

我还是没有回答，因为在这里死等也是一件很傻很傻的事情，跟到树林里去找蓝月娇一样傻。

那就只有回去了，散会！老兰说，他站了起来，很失望的样子。

我明白，老张老刘老兰，这三个老家伙，像三个老师，在逼着我这个学生说出正确答案。我豁出去了。

砸她家的门！把她家值钱的东西拿走！

我终于将这个正确的答案说出来了。

我的血在胸腔里流得太快，水一样地呛了我一下，我竟在蓝月娇家的门口咳嗽起来。我看见老张老刘老兰的眼睛里放射出光芒。看得出，他们比我还需要这个答案。特别是老兰，我现在简直是他最喜爱最有出息的好学生。

不行，老兰说，主要是做工作，要以理服人……

（5）