Seizcin mbwn hai raeuj

Gyaeujbi ndei roengz naz

Hong ndaemcin daeuj daz

Gyoengqvunz ma hoenghhwd

Reih doek duh ndaem gva

Naz ciengx bya ndaem haeux

Gaem cienz liengz song gyaeuj

Cienzcaiz daeujywdywd

Cin ndaem it naed cah

Cou sou bak cien gaen

Ciuq seiz ndaem haeux baenz

Haeux bienq ngaenz haeuj daeh

Miz vunz bae gairengz

Reihnaz gveng ce langq(ndwi)

Raeuz gyoengqvunz daeuj bang

Mbouj ce langq reihnaz

Ndaemcin miz daegsaek

Aeu haeujlaeg anbaiz

Miz golaeng govaiq

Ndaem ndai mbouj nguh seiz

Guekgya raeuz vunz lai

Nungzyez baiz giekdaej

Haeuxgwn daj ndei daej

Gak nieb caez mbe nyaemz

Saedyienh yendaiva

Nungzyez ma gunghawj

Ndaemcin seiz nanz cawx

Baenzlawz goj okrengz

Reihnaz dwg benjgim

Vunz gaenx rim baujboiq

Ranz miz gaeq dawz soij

Bakdou hoij daengloengz

Bi ceng aeu fungsou

Sinhoj couh miz bauq

Nungzyez gunghawj laux

Bauqheij gyonglaz hongz

Cibsam haj gveihva

Ma vaiqdi duet hoj

20 nienz dinghsoq

Naj moq haeuj siujgangh