1 nyied 21 hauh, duiq Yungjfuz Yen Gvangjfuz Yangh Gvangjfuz Cunh Mbanj- dasizsanh 25 hoh Yauzcuz beixnuengx ma naeuz, gaenq dwg liggaeuq siujnienz, youh dwg gyoengqde ngoenz ndei he. Ngoenzneix, gyoengqde cungjsuenq angqwtwt dwk senj ok aen mbanjbya deng aen bya hung dangj le daih dem daih haenx, buen bae daengz dieg bingz gaenh raemx gaenh loh anyouq.

Ciuq gaisau, 2014 nienz seizcou, Yungjfuz Yenveij、Yen Cwngfuj cingqsik haiguh Mbanjdasizsanh hong senj mbanj. Swcigih Nungzcunh Sinyungse Lenzhozse gien cienz 100 lai fanh maenz. Vih gaijgez gyoengq Yauzcuz beixnuengx guhhong vwndiz, dang- dieg dangjveij、cwngfuj dawz aen mbanj moq neix guh youq ndaw lijyouzgih cingqcaih laebguh haenx, giujmiuq dwk dawz Yauzcuz vwnzva swhyenz caeuq lijyouz canjyez yungzhab hwnjdaeuj fazcanj, yienghneix miz muengh ndaej gaijgez gyoengq Yauzcuz beixnuengx miz hong guh, youh ndaej coicaenh gingjgih lijyouz fazcanj aen muzbyauh songhingz neix.

(Dangz Yijhungz/唐雨虹)