1 nyied 7 hauh, Yungzsuij Myauzcuz Swciyen Aenvenz Hezvei bae daengz ndaw yienh Anhdai Yangh Linzdung Cunh Mbanjbeizgoh guh dwk doengznienz lenzyiz hodung.

Dwk doengznienz dwg aen yienh neix hangh lenzyiz hozdung hung minzcuz conzdungj riuzcienz geij bak bi he, itbuen dwg song aen mbanj ndawde gag doxiu dingh guh, gawjhengz seizgan dingzlai cungj dwg dingh youq ndwencieng ndawde, song mbiengj cungj doxheuh naeuz doengznienz(gij eiqsei couh dwg baengzyoux).

Dwk doengznienz faen baenz vaiz、mou、yiengz sam aen daengjgaep, vaiz dwg daengjgaep ceiq hung, bouxcawj cing duzvaiz gvax doengznienz sam hop le, couh gaj vaiz dakdaih doengznienz bouxhek.

Dwk doengznienz hozdung lai cungj lai yiengh, itbuen dwg guh song hwnz sam ngoenz, baugvat haeuj mbanj yizsi, boq venz diuq foux lienzvuen, ngaizbakranz, angq soengq yizsi daengj.(Gungh Siengzyouj/龚祥友）