Lanz Yezgyauh caen coengmingz, de youq banhaemh nitsisi neix cuengq song gaiq diet ndatfwdfwd, sawj haemh neix bienq mbaeqmbatmbat.

Laujliuz simvueng dwk baet duzmoed gwnz sim, de youh buen mehyah dang lauxsae de okdaeuj, hoeng baezneix gaenbonj mbouj guenj yungh, mehyah de ngaiz gij heiqndat goemq liux lo, fwngz de mbouj rox seizlawz lumj sou muengx nei baenz gvaengx baenz gvaengx heux diuzcag gvaqdaeuj, hoeng de gagnyinh diuzcag neix gaenbonj mbouj dwg gaem youq ndaw fwngz de, cix dwg youq ndaw fwngz Lanz Yezgyauh, meh Lanz Yezgyauh neix, de cingq sou muengx ne, mboujne, swhgeij vihmaz baez yamq baez yamq byaij gvaqbae ne. De gaenq ndwn youq baihlaeng Lanz Yezgyauh lo.

Seizneix mbouj dingqnyi sing raemxlae lo, Lanz Yezgyauh ndwn hwnjdaeuj. Godaih, byaij ba. De naeuz.

Hoeng Laujliuz raen swhgeij gaenq byaij mbouj baenz yamq lo.

Godaih, baenzlawz la? Lanz Yezgyauh ngeux gyaeuj gvaqdaeuj, yaengyaeng cam, gij fwindat ndaw bak de byoq daengz gwnz naj Laujliuz lo.

Laujliuz dingj mbouj ndaej lo, de got dawz bouxciuseng Lanz Yezgyauh.

Mwngz dwg yahsien, mwngz caen dwg yahsien. De naeuz.

Lanz Yezgyauh lumjbaenz caeux couh caj seizneix daeuj lo, de mbouj ngawz saek di hemq: Gunghcozdui saj liuzmangz lo! Gunghcozdui saj liuzmangz lo!

Aen ukgyaeuj Laujliuz lumjbaenz yaek dek nei, bouxvunz de sikhaek naengh daengz gwnz namh.

Lanz Yezgyauh swnhgei buet deuz lo.

Daj seizhaenx le, mboujlwnh cawzcin cawzhah cawzcou cawzdoeng, Laujliuz cungj daenj aen mauh gaijfangginh he, de vihmaz aeu daenj mauh ne, aenvih daj haemh haenx le, Laujliuz ngaiz hwk dwk byoem cungj loenq liux lo, aen gyaeuj de hoengzoq hoengzoq, yawj hwnjdaeuj hwk vunz lai bw.

Gij goj Laujliuz dwg Laujcangh lwnh hawj gou, de naeuz, Lanz Yezgyauh yungh gong nyouh he dongj laemx Laujliuz lo. Sou naeuz de ak mbouj ak?

Haidaeuz gou mbouj saenq, laihnaeuz dwg luenh gangj, hoeng Laujcangh naeuz, mbouj saenq mwngz bae cam Laujliuz, gijneix cungj dwg Laujliuz gag bae lwnh hawj gunghcozdui.

Gou buet bae cam Laujliuz, Laujliuz naeuz, gyoengqde mbouj yaeuh mwngz law, gijneix cungj dwg caen, mwngz gaej hag gou, ndeindei bae ra Lanz Yezgyauh.

Gou sikhaek nyinhnaeuz Laujliuz gig dwggyaez, gijneix dwg saehrwix ndaw ranz, guhmaz lij gag bae gangj hawj cujciz dingq ne, mbouj lau vunz riu ha. Laujliuz caen dwggyaez lai lo, dawz gij saehrwix swhgeij daeuj son’gyauq bouxwnq. Seizneix lij miz cungj vunz baenzneix, sim gou raeujrubrub. Lij miz bouxlingjdauj gunghcozdui vanzlij sawj gou gamjdoengh, gyoengqde mboujdan mbouj cawqleix Laujliuz, lij heuh de laebdaeb bae ra Lanz Yezgyauh dem, gijmaz heuh saenqnyaemh, neix couh heuh saenqnyaemh. Lwgda gou cungj hoengz liux. Mieng swhgeij itdingh aeu gaemhdawz Lanz Yezgyauh, lawh Veiz Gyangh caeuq Laujliuz ok gaemz heiq neix, caemhcaiq swnhbienh yawj baez he, Lanz Yezgyauh dauqdaej dwg mbouj dwg yahsien.

Laujlanz dwg bouxlingjdui dou, gwnz mbaq de gingciengz venj aen lahbahdienh he, aen lahbah- dienh neix cawzbae dawz daeuj caeuq ginzcung hemq vah le, lij bwh miz geij souj go, 《Youq Gwnz Doenghnaz Maqmuengh》、《Gij Cup Daxmeh》、《Haij Gvangq Mbanj Langh》, Laujlanz ceiq maij dingq 《Haij Gvangq Mbanj Langh》, hoeng, 《Haij Gvangq Mbanj Langh》dingjlingz baiz youh daihsam, siengj dingq 《Haij Gvangq Mbanj Langh》, mwngz sien dingq song souj gaxgonq liux cij baenz, haujlai seizgan dwg ngamq dingq liux song souj baihgonq, couh mbouj gaeuq dienh lo, aen diuh 《Haij Gvangq Mbanj Langh》 rag dwk raezrangrang, seizneix, Laujlanz couh ndaq, cedmeh de, dienh youh mbouj miz lo. Yienzhaeuh “bub”sing he, couh gven lo.

Ngoenz neix, dou seiq boux vunz buenx gij singgo hwnj loh lo. Miz siusik naeuz, Lanz Yezgyauh youh dauq daengz ranz lo, seizneix dwg cib nyied, de yaek dauq ranz sou duhhenj.

Baezneix mbouj ndaej hawj de buet lo, Laujlanz naeuz.

Laujliuz byaij youq ceiq baihnaj, ngamq byaij yaep he, aen mauh de couh hainduj lae hanh lo, hoeng de mbouj duet mauh uet hanh, caenh yungh sujbaq mad giz najbyak caeuq aen mauh doxhenz haenx, mad baez gvaq baez, lumjbaenz bouxvunz henhoh naed ding yungzheih myaex nei, mbouj yiemz saek di.

Gou rumhrumh gij byoem ndaetsaed gou, sim naemj, gangj gijmaz hix mbouj ndaej lumj Laujliuz nei bw.

Byaij le song diemjcung lohbya. Singgo caeux couh mbouj miz lo, mbouj dwg mbouj miz dienh, cixdwg Laujlanz naeuz aeu mbaet dienh, gaej daengz seiz hemq vah mbouj miz dienh yingjyangj guhhong. Song diemjcung neix, miz buenq diemjcung dou dingq go, linghvaih diemj buenq cung dou dingq roeg heuh, Laujlanz Laujliuz Laujcangh miz gingniemh lai lo, baez miz sing roeg heuh, gyoengqde cungj gangj ndaej ok aen coh duzroeg haenx, danghnaeuz gag boux gag naeuz, gyoengqde couh doxceng, mboujne couh gip gonj rin he gveng gvaq byaifaex bae, yawj duzroeg mbin hwnjdaeuj haenx dwg mbouj dwg gyoengqde gangj cungj roeg haenx.

Sam bouxlaux doxceng dwk, hemqcaca, gig nauhyied. Caenhmiz gou mbouj gangj saek coenz, ndawsim caenh naemj baenzlawz cijndaej ra daengz Lanz Yezgyauh.

Yaek daeuj seiz, dou couh suenqgeiq baenzlawz cij ra daengz Lanz Yezgyauh, gizdieg nduj dou dingh youq reihduhhenj. Reihduhhenj ranz Lanz Yezgyauh youq baih lajdat, danghnaeuz dou cung hwnjbae, couh gaemh ndaej de, de miz fwed linghvaih gangj. (3)

蓝月娇还真有一套，她在这个散发着寒气的夜晚放了两块滚烫的铁，使这个夜晚变得潮乎乎的。

老刘慌乱地拍打他心上的蚂蚁，他又搬出他当老师的老婆，可这次根本就不管用，他老婆被漫天蒸腾的热气遮了个严严实实，他的手在不知不觉间收网似的收那根绳子，一圈一圈地绞在自己的手上，但是他觉得这根绳子根本不是在他手里抓着，而是在蓝月娇手里，这个蓝月娇，她在收网呢，要不然，自己为什么一步步朝前面移去呢。他已经站在蓝月娇的身后了。

这时候流水的声音没有了，蓝月娇站起来。大哥，走吧。她说。

但是老刘发现自己已经走不动了。

大哥，你怎么啦？蓝月娇回过头，轻轻地说，她嘴巴的热气喷在老刘的脸上。

老刘再也受不了啦，他抱住了超生对象蓝月娇。

你是仙女，你真的是仙女。他说。

蓝月娇似乎早就等待这个时候的到来，她毫不犹豫地放声大喊：工作队耍流氓啊！工作队耍流氓啊！

老刘的脑袋嗡地响了一声，心头一紧，瘫跌在地。

蓝月娇乘机逃脱。

从那以后，不论春夏秋冬，老刘都戴一顶军帽，他为什么要戴帽，因为那天晚上之后，受到惊吓的他头发就掉光啦，他的头肉红肉红的，看起来很吓人。

老刘的故事是老张跟我说的，他说，蓝月娇一泡尿就放倒了老刘。你们说她厉害不厉害？

开始我不相信，以为这是谣言，但是老张说，不信你去问老刘，这些都是老刘主动跟工作队说的。

我跑去问老刘，老刘说，他们没有骗你，这都是真的，你不要学我，好好去找蓝月娇。

我一下子就觉得老刘非常可爱，这是他妈的家丑啊，哪有自己把自己的破事都主动跟组织说的，藏着掖着还来不及呢。老刘太可爱了，把自己当反面教材教育其他人。如今还有这样的人，我的心暖烘烘的。让我感动的还有工作队的领导，他们不但不处理老刘，还继续把寻找蓝月娇的光荣任务交给他，什么叫信任，这就叫信任啊。我眼圈都红了。发誓一定要抓到蓝月娇，替韦江和老刘出一口气，另外顺便看一看，蓝月娇到底是不是仙女。

老兰是我们的领队，他的肩上经常挎着一个电喇叭，这个电喇叭除了拿来跟群众喊话之外，还储存有几首电子音乐，《在希望的田野上》《妈妈的吻》《大海啊故乡》，老兰最喜欢听《大海啊故乡》，但是，《大海啊故乡》偏偏排在第三，要听《大海啊故乡》，你必须听完前面两首，往往听完前面两首，电池就不够了，《大海啊故乡》的调子就变得黄不拉叽的，这个时候，老兰就骂，他妈的，电池又没有了。然后啪的一声，就关掉了。

这一天，我们四人在尖声尖气的音乐声中上路了。有可靠消息，蓝月娇又回到了家中，现在是十月份，她要回家收黄豆。

这次不能让她跑了，老兰说。

老刘走在队伍的最前面，刚走一会儿，他的帽子就开始流汗了，可他并没有摘掉帽子擦汗，而是拿毛巾在帽子和头颅的交界处一圈一圈地擦，像工人认真地保养一个容易生锈的零件一样，不厌其烦。

我摸了摸我一头浓密的头发，心想，说什么也不能像老刘一样。

走了两个钟头的山路。音乐早就没有了，不是没有电池，而是老兰说要节约着用，不要到该喊话的时候电池没了影响工作。这两个小时，有半个小时我们听音乐，另外一个半小时我们听各种各样的鸟叫，老兰老刘老张真不愧为是老家伙，一有鸟声响起，他们就能说出鸟儿的名字，如果意见不统一，他们就争论，要不然干脆捡起石头朝树梢投去，看飞起的鸟是不是他们说的那种鸟。

三个老家伙互相抬杠，大呼小叫的，很是热闹。只有我一言不发，一门心思想着怎么样才能找到蓝月娇。

在来之前，我们就设计了怎么样才能找到她，第一个地点我们选在黄豆地。蓝月娇家的黄豆地在一片峭壁之下，只要我们迎面冲过去，她就束手就擒，除非她长翅膀。 （3）