Gaenh bi neix daeuj, Cungzcoj Si gaenjndaet hopheux gij anbaiz Swcigih Dangjveij、Cwngzfuj, genhciz binaengz dingh ok gij dajveh hong daengx si hwnjguh aen si guhyiengh minzcuz doxgiet cinbu, yungh dinghgeiz cienhangh dukcaz caeuq mbouj dinghgeiz genjcaz daengj hingzsik, dukcoi doicaenh gak hangh hong, baujmaenh banhfap guh daengz dieg, hong cauxlaeb minzcuz doxgiet aeundaej cingzyauq yienhda.

It dwg gaenxmaenx haiguh gij hozdung cauxlaeb minzcuz doxgiet cinbu mienhdoiq gihcwngz、 mienhdoiq vunzlai haenx, aeu gihgvanh、 segih、 lajmbanj、 hagdangz、 gizdieg cunghgyau guh dieg cujyau cauxlaeb hozdung，yungh lai cungj hingzsik vunzlai haengj dingq gyaez yawj haenx, hawj cauxlaeb hozdung depgaenh saedsaeh、 depgaenh saedceij、 depgaenh vunzlai， mbouj- duenh daezsang cauxlaeb hozdung ndaej yinx vunz, minzcuz doxgiet cinbu cauxlaeb hozdung netsaed haiguh, daengx si gungh miz 36 aen segih、 hagdangz、 gi swyez danhvei byaijgonq haiguh guhyiengh cauxlaeb hozdung, gaenxmaenx daiqdoengh daengx si cauxlaeb hozdung haeuj- laeg doicaenh.

Ngeih dwg gak gaep dangjveij、 cwngfuj gig yawjnaek, gaenxmaenx haiguh minzcuz doxgiet cinbu cauxlaeb caeuq biujcangh hozdung, okyienh buek minzcuz doxgiet cinbu senhcin denjhingz he, gonqlaeng haiguh si gaep bingzsenj byaujcangh 2 baez, byauj- cangh minzcuz doxgiet cinbu mozfan cizdij 102 aen、 mozfan bouxvunz 180 boux, miz 33 aen danhvei caeuq 48 boux ndaej aen cwngheuh “daengx gih minzcuz doxgiet cinbu mozfan cizdij (bouxvunz)”, 9 aen danhvei caeuq 11 boux ndaej aen cwngheuh “daengx guek minzcuz doxgiet cinbu mozfan cizdij(bouxvunz)”.

Sam dwg haenqrengz gungganq hong minzcuz guhyiengh denjhingz, gonqlaeng gungganq hwnjguh 7 aen mbanj guhyiengh mbanj miz daegsaek minzcuz、 20 aen mbanj guhyiengh minzcuz doxgiet cinbu youq henzguek haenx、 4 aen gizdieg guhyiengh swnjcienz vwnzva minzcuz、 5 aen gizdieg guhyiengh son’gyauq minzcuz doxgiet cinbu、 5 aen diemj guhyiengh hengzdoengh hwng henzguek fouq beksingq daengj.

(Nungz Cinhsiengz/农祯祥)