Duzlingz biek hihlaeuh,

Gaeqgim daeuj ciepban;

Coux dingyoux sim’angq,

Sing sang haen’oqoq.

Angqcoux bi gaeqgim,

Dou simhai lumj liengj;

Youq Niujyoz gwncieng,

Lij siengjniemh ranzmbanj.

Nyienh ranzmbanj Guengjsae,

Ngoenz beij ngoenz hwngvuengh;

Gak minzcuz beixnuengx,

Cungj doxgiet ciengxlwenx.

Dou engq angq guekcoj,

Gozfangz geng baenz gang;

Baez miz vunz gamj famh,

Dingh vanzdan satsoq.

Hot dem hot eu fwen,

Caen vuenheij dangqmaz;

Gou hohfuk daihgya,

Fatcaiz youh ndang cangq.

Gunghyenz 2017 bi ding- youx haemhndaep raiz youq Vaz- seq Niujyoz.