Seizneix Lwggoen gaenq buenq dai,

Baez raen Dahdeiq gvai lumj va,

Laihnaeuz saenzsien daeuj ra de.

Daj neix nyinhcaen dawz doeg gaiq,

Dahdeiq gig vaiq bienq bawxmoq,

Baiq gvaq diendeih youq ranz dou.

此时勒军已半死，看见达对美如花，

以为仙女来找他。

从此认真把毒戒，女友很快变新娘，

拜过天地住咱家。

Bouxsai:

Doxaeu doiq bi couh miz lan,

Donqdonq vuenyungz lumj dangzrwi,

Bohmeh sim vuen sim youh angq,

Laihnaeuz saedceij daj neix ndei.

男：

结婚对岁就有孙，餐餐幸福像蜜糖，

爹妈心欢心又喜，以为日子从今好。

Mehmbwk:

Miz ngoenz de fat ndat,

Song gemj ndat lumj danq,

Fat ndat cingqngamq gvaq,

Nit gyaengj youh daeuj caq,

Vunz nit gvaq gaiq nae,

Gyaeuj dek lumj vaiz cae,

Daengx ndang cungj dwg in,

Lumj deng cien dau heh.

女：

有日他发烧，两腮烫像炭，

发烧才过去，伤寒又来到，

人寒过冰块，头裂似牛犁，

浑身都是痛，像被千刀割。

Bouxsai:

Genjcaz baez okdaeuj,

Lwggoen naj yakyawj,

Yienzlaiz dwg aiswh,

Gaxgonq doeg guengz seiz,

Biuz gwn doj cungj miz,

Couh vih ndaej gwn doeg,

Geij vunz gungh fag cim,

Bingh doeg daj cim cienz,

Caeux couh gyuek daengz sim.

男：

检查一出来，勒军脸难看，

原来是艾滋，从前吸毒时，

嫖喝赌都有，为了得吸毒，

几人共把针，病毒从针传，

早就烂到心。

Mehmbwk:

Raemx haeux mbouj haeuj bak,

Mak dangz mbouj siengj yawj,

Yw cim cungj beg daj,

Ngoenzngoenz gyangz lumj gaj.

Byom daengz naeng bau ndok,

Boux vunz caet cik ndang,

Suk gvaq duz masaz.

女：

茶饭不动口，果糖不想看，

药针都白打，天天呻如杀。

瘦到皮包骨，个人七尺身，

缩如只烧狗。

Bouxsai:

Engq hozndat,

Aiswh lij rox sing cienzbo,

Gvanbaz guhsaeh seiz,

Binghdoeg cienz hawj yah.

Lwg dai caengz ndaej bi,

Bawx hix mbin haeuj yaem.

男：

更加气， 艾滋还能性传播，

夫妻做对时，艾滋传给妻。

儿死未一岁，媳也飞阴府。

Mehmbwk:

Haemz caengz liux,

Aiswh lij rox meh cienz lwg,

Lan gou baez okseiq,

Aiswh couh nyumx ndang,

Bawx dai ndok caengz gyoet,

Lan hix ngiengxgyaeuj bae.

Gwn doeg haih sam mingh,

Daengx ranz dai seuqcingh.

女：

恨未完， 艾滋还能母传儿，

我孙一出生，艾滋就染身，

媳死骨未寒，孙也仰头去。

口毒害三命，全家死干净。

Bouxsai:

Hojlienz dou song laux,

Gyaeujhau baiq gyaeujndaem,

Song gyaeuj daemq gwnznamh.

Gienq sou gyoengq vunzlai,

Gaej aeu roux loh gaeuq,

Nem doegfaenj doxcaeuq,

Vunz dai ranz aeu baih,

Daengx ranz dai caemgyu,

Hawj vunz biq gong myaiz.

男：

可怜咱两老，白头祭黑发，

双头撞上地。

劝各位乡亲，不要滚旧路，

与毒粉相粘，人死家又破，

全家死沉沉，给人吐口水。

（sat）