1 nyied 30 hauh, rumzbaek fwfw, hoeng Vanzgyangh Mauznanzcuz Swciyen Ya’nanz Yangh Bohconh Cunh Mbanjgauhconh cix dwg yinhyangj bauqrengh caez yiengj, sing riu sing angq roksasa. Laxlawz dwg Mbanjgauhconh 2017 nienz ndwencieng lienzvuenh vanjvei youq gizneix cingqsik hoengh yienj.

Mbat vanjvei neix gungh miz 21 aen cezmuz, gyoengq “yenjyenz” aen gyaqseiq de cibfaen hung’ak, mboujdan miz aen mbanj bonjfaenh gyoengq vunzmbanj dauqma cunz vunzranz haenx,lij miz seiqhenz song aen mbanj Sunghyen caeuq Songhyinz gyoengq beixnuengx daeuj doxbang. Nienzgeij miz vunzlaux roet caetcib bi, iq miz daengz lwgnyez caet bet bi, bouxboux cungj caezsim guh ndei aen vanjvei neix, hawj daengx mbanj caeuq seiqhenz geij aen mbanj gyoengq vunzlai ndaej yawj ciengz “cunhvanj” ndei yawj he.

(Veiz Yui/韦 睿）