1 nyied 25 hauh, aen sibinz “Bouxcuengh Guengjsae yiengq daengx guek beksingq baiqnienz” youq Gvangjsih Minzcuz Vwnzvuzyen loeg baenz. Aen sibinz neix dangguh Guekgya Minzveij guenfueng veihsin loegsiengq guek raeuz 56 aen minzcuz baiqnienz sibinz ndeu. Youz Gvangjsih Sam Nyied Sam Cazcise、bouxboqyaem Vahcuengh Guengjsae Densidaiz caeuq bouxcanghfwen Bouxcuengh daengj 6 boux vunz, daenj gij ndangdaenj minzcuz, yungh Vahcuengh byauhcunj caeuq Bujdunghva yiengq daengx guek beksingq baiqnienz, hoh gyoengq beixnuengx bi moq fanhsaeh habhoz hab’eiq, ndangcangq vuenyungz. Sibinz youq Guekgya Minzveij guenfueng veihsin bingzdaiz boqok, gyoengq bouxyawj haenh ndei raixcaix.

(Veiz Yinyiz/韦运益)