2 nyied 4 hauh, Nazboh Yenveij、 Yen Cwngfuj youq Yen Yinzminz Gvangjcangz banh bi 2017 ndwencieng siujsoq minzcuz vunzlai cunzyouz hozdung hainduj yizsi, 400 lai boux vunzlai gak siujsoq minzcuz aen yienh neix camgya aen yizsi neix.

Hainduj yizsi gietsat, daengxcungq vunzlai siujsoq minzcuz camgya hainduj yizsi haenx camgya le Nazboh Yen bi 2017 ndwencieng siujsoq minzcuz “henzgyaiq angqyangz、Mbanjcuengh huzndei” cunzyouz hozdung. Cunzyouz hozdung daengx doih ga byaij, daj Yen Yinzminz Gvangjcangz haidin, riengz “Diemqlaeuj Nanzfungh-Gyauhgingj dadui-Yen Yinzminz Yinzhangz Lugouj-Diemqlaeuj Mubenh-Yen Minzcwng Giz-Yen Gyauyuz Giz-Yen Yinzminz Gvangjcangz” byaij, daengx loh raez daih’iek 5000 mij.

Ciuq cam rox, banh baez coux cieng moq siujsoq minzcuz vunzlai cunzyouz hozdung neix, muzdiz caenh- itbouh fungfouq gij cingsaenz vwnzva saedceij vunzlai gak cuz, cungfaen langhbaij gij saedceij moq、 funghsang moq、 yienghsiengq moq vunzlai gak cuz, youq gwnzbiengz caux ok gij heiqfaenh ngoenzciet cangqheiq、 dox- hwnj、 vwnzmingz、 bingzan huzndei, hawj vunzlai gak cuz caez doxgyau、dox baedauq、doxyungz， cungfaen langhbaij gij yinxdaeuz “minzcuz doxgiet daengx ranz caen”.

（Lungz Yici/隆玉志 Yi Yezvaz/玉月华）