Bouxsai：

Vunz naeuz guk ak mbouj haeb meh,

Mbouj ngeix lwg doeg dauq moeb boh,

Daj ngoenz lwg gou bienq faenjcaij,

Ngoenzngoenz song laux gokda haemh,

Vih aen najmienh gangj gag laemx.

男：

人说虎凶不咬娘，不想儿毒倒打爹，

自从我儿变粉仔，天天被打眼角黑，

为要脸面说跌倒。

Mehmbwk:

Seiqsien ndang mbouj saeuq(coih),

Seng doiq lwg fouzyauq,

Lumj baeu vang dwk raih,

Haih daengx ranz mbwn fan,

Haeuj ranz lumj haeuj yaem,

Cam mbwn mbwn mbouj han,

Hemq deih deih mbouj fan,

Caeux rox de yiengh ak,

Faeg haeuj gumqvaiz lingh seng gvaq.

女：

前世身不修， 生对忤逆儿，

像蟹横着爬， 害全家翻天，

家里像地狱， 叫天天不应，

叫地地不翻， 早知他恶毒，

塞进牛肚另外生。

Bouxsai：

Mbouj dwg lwg gou vaih,

Dwg de doegyinx daih,

Doeg fat de lumj duz baengzbyaj,

Haj cin mbouj nyinh hemqgvagva,

Hemq moeb hemq gaj guengz gvaq guk,

Bouxboux cungj siengj cuk de dai,

Gwn doeg gvaq lumj meuz gwnz cauq,

Youh hauq youh swnh bak youh diemz.

男：

不是我儿坏， 是他毒瘾大，

毒犯他像个雷公，五亲不认叫喳喳，

喊打喊杀疯过虎，个个都想捶他死，

吸毒后像灶上猫，又孝又顺嘴又甜。

Mehmbwk:

Miz baez de doeg fat,

Gaem canj daeuj moeb boh,

Dou nyaenx mbouj miz fap,

Daj denva baugingj,

Gaeb de bae gaiq doeg.

女：

有次他毒发，拿铲来打爹，

我们没法忍，打电报警察，

抓他去戒毒。

Bouxsai：

Gaiq doeg dauqma soengq Mbanjsa,

Mbanjsa seiq mienh cungj dwg bya,

Bya’ndoi byalueg 10 goengleix,

Doegyoux lienzhaeh cungj duenh caez,

Gou ra aen daemz hawj de bau,

Caiq cingj boux vunz daeuj souj de,

Lwgsij vunz seng deih mbouj sug,

Siengj fug(gwn) doegfaenj mbouj miz fap,

Miz ngoenz doeg fat hemqgvagva,

Daengx daemz gungq diuq bya youh fan.

男：

戒毒回来送沙村，沙村四面全是山，

山旮山旯十公里，毒友联系全断完，

我找个塘给他包，再请一人来守他，

勒子人生地不熟，想服毒粉没办法，

有天毒发叫刮刮，全塘虾跳鱼又翻。

Mehmbwk:

Henz daemz miz boux heuh dahdeiq,

Youh sang youh siengx(gyaeu) 18 bi,

Dingqnyi sing camj rwenz haeuj congh(bungz),

Raen de byaenz(byoq) myaiz lumj gong haex,

Laihnaeuz de ndaej maz bingh naek,

Ganjgaenj umj de gizwnq ninz.

女：

塘边有女叫达对， 又高又靓十八岁，

听到惨叫飞入帐(棚)， 见他吐沫像堆屎，

以为得了啥大病， 赶紧抱他别处睡。

（caengz sat）