Bi 2016 ndwen 11 ngoenz 24 Guengjsae Lauxnienz Bauq 《Vunz》 lanzmoeg daeng bien faenzcieng 《Gij Cwzyin Baihlaeng Mingzdaeuz》, sij le bouxbuenxsaemj geq ndeu daj Hwzlungzgyangh daengz Guengjsae, youq Hwzlungzgyangh guh hong buenxsaemj, daengz Guengjsae hix guh hong buenxsaemj, youq guh hong buenxsaemj seiz saedyienh gyaciz bonjfaenh, saedyienh gij hanbak “ndiepgyaez genjleh、 cuengq naengz- liengh ndei”, doengzseiz hix guhcingq le cidu bouxbuenxsaemj beksingq baenzdauq gaijgwz, daj hainduj cienzbouh camgya caeuq saemjleix daengz seizneix cij aeu camgya saemj saedsaeh daengj baenzdauq bienqvaq, daejniemh le dawzfap cidu youq beksingq buenxsaemj guhhong fueng- mienh mboujduenh laebcaez caeuq gij ndeicawq dawzfap minzcuj daiq daeuj haenx. De mboujdan ndiepgyaez hong buenxsaemj, lij vih gizdieg minzcuz hwngfat ok geiqmaeuz dem, de guh cungj gyaez cungj, ndaejdaengz gwnzbiengz haenhndei. De couhdwg Gauh Cicangh boux vunz Cungguek Fazyozvei veiyenz、 Guengjsae Minzfaz Yenzgiuvei lijsw、 Guengjsae Namz- ningz Laujgoh Hezvei veiyenz、 Sihyanghdangz Gih Laujgoh Hezvei veiyenz、 Sihyanghdangz Gih Fazyen bouxbuenxsaemj beksingq, nyuenz Hwzlungzgyangh Swngj Yihcungh Si Vujyingz Gih Fazyen bouxbuenxsaemj beksingq, ndaej gvaq aen cwngheuh “daengx guek bouxbuenxsaemj bek- singq maenhndei”.

Genjdingh——Aen Moegloih Fap Hwnjdoek Yienh Cingz Bek- singq

Youq Namzningz, Gauh Cicangh youh hainduj guh hong buenxsaemj, Yungh faplwd henhoh gij leih’ik gunghminz gizdieg minzcuz, caen- ndang hengzguh gij hanbak dawzfap vih beksingq. Genjdingh caeuq ginggvaq hawj Gauh Cicangh youq Mbanjcuengh engq roxnyinh gij gyaciz caeuq dangguh bouxbuenxsaemj bek- singq, de caeuq fazgvanh caezsim roengzrengz, henhoh aen caengh- dienbingz ndaw fwngz, buenxsaemj seiz yungzhaeuj ndaw fungsug ndawbiengz bae, hawj bouxdangsaeh ciuq fap souj fap, yungh vah faplwd hoizwngq gij gangjgouz vunzlai goengbingz cingqheiq haenx, caeuq fazgvanh doengzcaez yenzgiu gaijgez anqgienh loihhingz moq、 vwndiz moq, anqgienh hojnanz labcab, youq gyang hozyidingz saemjleix anqgienh daengj. Gauh Cicangh daengz Namzningz dang bouxbuenxsaemj daengz seizneix camgya saemjleix 150 lai gienh anqgienh, de nyinhcaen hengz gij cizcwz bouxbuenxsaemj beksingq, doengzseiz youh dang ndei “boux- senhconz” “bouxbujfaz” “boux- diuyenz”, gawq aeu yiengq vunzlai henzgyawj senhconz faplwd cihsiz, gunghawj camcaz faplwd, daezsang gij faplwd yisiz vunzlai, doengzseiz youh senhconz hong fazyen diemjrongh moq. Bi 2016 nienzco daengz seizneix, 《Sihyanghdangz Gih Fazyen Yawjnaek Bouxbuenxsaemj Hagsib Dohyenz Doicaenh》 caeuq 《Gij Cwzyin Seizdaih Hawj Bouxbuenx- saemj Beksingq Haenx》 youq Guengj- sae Gauhyen guenfueng diuzdaeuz daeng, Guengjsae Gauhgiz Fazyen Neivangj caeuq Namzningz Cunghgiz Yinzminz Fazyen Vangj lienzdaemh daeng 《Namzningz Si Sihyanghdangz Gih Fazyen Buenxsaemj+Diuyenz Yaugoj Ndei》, doenghgij faenzcieng neix geiq le de caeuq fazgvanh doengzcaez nem bouxdangsaeh dap- laeb aen bingzdaiz gaijgez cengnauh, yungh lai cungj banhfap diuzgaij cengnauh, bang bouxdangsaeh gaijgez ndei cengnauh, Namzningz Yinzda Vangj cienj daeng 《Bouxdangsaeh Caeuq Beksingq Aeu Yungh Couhdwg Gyaepgouz》 bauqlwnh doenghgij cingzgvang neix.

Cauxmoq——Roengzrengz Vih Hong Minzcuz Ok Geiqmaeuz

Seizgan riengjvaiq, youq Mbanj- cuengh 3 bi lai seizgan yaepyet couh gvaqbae. Gauh Cicangh lij baujmaenh aen sim guhhong youq mbanjranz baenzneix ok geiqmaeuz, youq gizdieg minzcuz lij roengzrengz guhhong. De lai siengjngeix, baeznaengz camgya buenxsaemj gvaqlaeng, nyinhcaen yenzgiu, seizseiz yungh gij swhveiz caeuq vah vunzlai, yungh dawzfap minzcuj sij faenzcieng, gonqlaeng sij 《Ngeixnaemj Gizdieg Minzcuz Haiguh Son’gyauq Bouxbuenxsaemj Beksingq Song Vah Saw》《Siengjngeix Gizdieg Minzcuz Hwnjlaeb Gaijndei Cwngfuj Faplwd Guvwn Cidu》daengj, ndawde 《Ngeixnaemj Gizdieg Minzcuz Haiguh Son’gyauq Bouxbuenxsaemj Beksingq Song Vah Saw》 daeng youq 《Fazci Caeuq Ginghci》 doeklaeng, Hozciz Si Cunghgiz Yinzminz Fazyen Vangj《Fazgvanh Lundanz》daiqdaeuz cienj daeng daengx bien, riengzlaeng Cungguek Minzcuz Cunghgyau Vangj、Guengjsae Minzyijveij Vangj、 Guengjsae Minzcuz Bau Vangj daengj 30 lai aen vangjcan lienzdaemh cienj daeng, ndaejdaengz gwnzbiengz caeuq lauxhangz nyinhdoengz. 《Siengjngeix Gizdieg Minzcuz Hwnjlaeb Gaijndei Cwngfuj Faplwd Guvwn Cidu》 ndaej daihcibcaet geiz Guengjsae hwngfat lundanz lunvwnz maenhndei ngeih- daengjciengj, daeng youq 《Fazci Caeuq Ginghci》 bi 2015 geiz 12 doeklaeng, Guengjsae Bujfaz Vangj、 Namzningz Fazyoz Vangj、 Bingzan Sihyanghdangz Vangj daengj vangjcan lienzdaemh cienj daeng daengx bien faenzcieng.

Gingqnieb——Hawj Faplwd Liz Beksingq Engq Gyawj Di

Seizseiz yungh gij faplwd cihsiz hag ndaej haenx bae segih senhconz faplwd mbouj aeu cienz, yungh anq gangj fap. Gonqlaeng 10 lai baez riengz Laujgoh Hezvei camgya “faplwd haeuj yanghcin segih” daengj sam roengz mbanj hozdung, daengz Lohcunghyauz segih haiguh faplwd cihsiz gyangjco, aeu faplwd fapgvi cienzndenq daengz gizdieg minzcuz bae, yungh vah faplwd caeuq fazgvanh doengzcaez bae haiguh “yangzgvangh hengzfap” senhconz hozdung, daengz seizneix vih vunzlai gejdap mizgven faplwd vwndiz 80 lai vunzbaez. Youq gaijgez cengnauh ngaekngeu seiz, daj gyaeuj daengz riengz cungj yungh simndat caeuq dungxcaiz hawj bouxdangsaeh miz cengnauh ngaek- ngeu ndaej rimhoz. Bae daengz Danzloz Cin、 Sanghding Cin、 Cunghliengz Cunh caeuq Gvangjsih Minzcuz Dayoz daengj doxgyau hagsib, camgya feihyiz gyangjcoz hagsib, yawjngonz gij hozdung minzcuz hagseng Cangcuz banh haenx, yungh yawjfap moq, bae vatcimh vwnzva minzcuz ndawbiengz, gag cawjdoengh henhoh cingsaenz minzcuz, ciq rengz yungh rengz hawj ginghci、 vwnzva、 gwnzbiengz gizdieg siujsoq minzcuz ndaej hwngfat cinbu.

Doxgyau—Hoizwngq Gij Gangjgouz Vunzlai Goengbingz Cingqheiq

Doxgyau caeuq fazgvanh doxrox, ndaej muzlienh ciuhvunz, youh ndaej lienh sij faenzcieng. Camgya fazyoz doxgyau caeuq diuyenz, youq guhhong saedsaeh caeuq doxgyau seiz gyagiengz gaijndei caeuq hwngfat buenxsaemj cidu, Gauh Cicangh sij 《Gyavaiq Hwngfat Caeuq Gaijndei Dawzfap Buenxsaemj Cidu》 daeng youq 《Yinzminz Fazyen Bau》 doeklaeng, ndaejdaengz lauxhangz haenhndei, ginggvaq lauxhangz bingz- saemj lienzdaemh ndaej Hwzlungz- gyangh Swngj cibsam gaiq sevei gohyoz gohyenz cingzgoj maenhndei samdaengjciengj nem Yinhcunh Si daihbet gaiq sevei gohyoz cingzgoj maenhndei itdaengjciengj. Gauh Cicangh yungh anqlaeh saedsaeh lai baez bae daengz segih nyinhcaen hengz gij cizcwz bouxbuenxsaemj beksingq, seizseiz yungh gij fungsug sibgvenq Mbanjcuengh bae segih haiguh faplwd cihsiz gyangjco, bang cizgungh hojnanz mbouj aeu cienz, fugsaeh giyez, vih segih hwngfat ok geiqmaeuz, caencingq laeb gij cunghcij vih beksingq banh anq, vih beksingq fugsaeh, baenz bouxcamgya yinzminz fazyen goengcingq dawzfap, youh dwg bouxbyaijgonq doh fap cienz fap, engq dwg bouxguhcingq yinzminz fazyen goengcingq dawzfap.

Najdoiq doxgyau caeuq hagsib, Gauh Cicangh lij caengz lumz aen simmuengh de gvaq, cungj miz aen sim ciengxlwenx hagsib ndeu, youq buenxsaemj saedhengz seizseiz yungh fungsug sibgvenq minzcuz, hawj bonjfaenh mboujduenh doegsaw hagsib, daengzneix de gaenq ndaej 67 bi lo, hoeng de cij mbouj hawj beksingq Mbanjcuengh saetmuengh, youq saedhengz saedceij seiz roxnyinh hong buenxsaemj caeuq 12 aen minzcuz cojyouq Guengjsae angqyangz doxgyau, youq aen mbanjranz daih- ngeih neix caeuq gyoengq fazgvanh caeuq bouxbuenxsaemj Sihyangh- dangz Gih youq ndaw hozyidingz saedyienh gyaciz bonjfaenh, doxgyau hagsib giengzvaq suciz bonjfaenh, hoizbauq gij cingz naekgywdgywd gwnzbiengz caeuq beksingq Mbanj- cuengh doiq de haenx, caencingq baenz boux “vunz Mbanjcuengh” bingzciengz he.