Dangjcunghyangh haucau

Gauj fanjfuj lienzcwng

Mboujlwnh de gou mwngz

Dinfwngz cungj aeu seuq

Daengq gak boux lingjdauj

Aeu “sam yiemz sam saed”

Souj dangjgij faplwd

Laeb funghheiq baenz ndei

Ganq binjdwz aeu ndei

Ciengzseiz lienh bonjfaenh

Giekdaej swhsiengj maenh

Lwgminz haenh mbouj dingz

Engq aeu yiemz yungh gienz

Gaej dam cienz guh vaih

Roeg dam gwn vaih ai

Vunz dam caiz haih mingh

Ndawsim miz fag caengh

Baengzyoux hix mbouj bang

Gaej dasang guh byangz

Gaej bienq fangz guhdoj

Guh saeh aeu caensaed

Gyaj yaek deng buenqhingz

Itsim vih beksingq

Ndang cingq ngaeuz mbouj nyeng

Guh vunz aeu maedsaed

Lwdlwd aeu guh baenz

Dam lai baez doek hoengq

Gyoengqvunz couh gangjngaiz

Guh vunz aeu lauxsaed

Laeb goengsaeh dangdaeuz

Cungj mbouj guh yaemmaeuz

Guek raeuz couh miz muengh