Mboengqneix daeuj, gyoengq nungz- minz gak aen yangh cunh Gunghcwngz Yauzcuz Swciyen cingq nyaengqfoenfoen dwk youq ndaw suenmak baet nyaeb mbawmakndae loenqdoek youq lajnamh haenx. Doenghgij mbawmakndae henj- rwgrwg haenx moix goenggaen gai ndaej maenz ngaenz ndeu. Vihneix, deng dangdieg nungzminz caenciet dwk heuhguh “mbawgim”.

Aen yienh neix ndaem makndae miz cibgeij fanh moux, seizdoeng mbawmak- ndae deng mwi dwk le gij saek de couh bienqbaenz henjgim henjrwgrwg, raq rumzbaek he ci gvaqdaeuj le, doengh “mbawgim” neix couh loenqbyoegbyoeg dwk doek roengzdaeuj bu doh gwnz namh. Aen yienh neix miz aen gunghcangj he cienmonz sou cungj mbawmakndae neix ma daezlienh guh va’gungh yienzliuh, sawj doenghbaez mbawmakndae mbouj miz gyaqcienz haenx ndaej gai daengz moix goenggaen maenz ngaenz ndeu. Moix boux vunz ngoenz he ndaej nyaeb 150 daengz 250 goenggaen mbawmakndae. Yienghneix mbawmakndae couh baenz aen yienh neix seizdoeng cungj souhaeuj moq ndeu.(Cing Ciminj/郑智敏）