1 nyied 6 hauh, Gveilinz Si Lingzconh Yen Lanzdenz Yauzcuz Yangh youq Lanzdenz Cunh gawjbanh buenq ngoenz Gveilinz Si vah Siujsoq Minzcuz beizyin, cingj Gveilinz Si Minzveij、Lingzconh Yen Minzveij daengj danhveih mizgven lingjdauj daeuj daengz yienhciengz sonyinx, aen yangh neix Funghmuzgwnh Cunh Bouxcuengh beixnuengx caeuq gizyawz siujsoq minzcuz daiqbiuj gungh miz 60 boux vunz daeuj camgya beizyin.

Gveilinz Si Minzveij fucujyin Banh Denhsiu daj Sawcuengh cihmeh daengz sing yinhmeh、ngoenznaengz gangjvah yungh daengz caeuq vah lijmau、vah minzcuz gi’gyauj、Bouxcuengh caeuq gizyawz minzcuz gvanhaeh daengj fuengmienh guh liux ciengzsaeq cekgej, cekgej cungdenj aeu gihbwnj fatyaem genjdanh gangjvah ma guhcawj, doiq Bouxcuengh giekdaej haemq ndei haenx couh cungdenj daj daezsang gangjvah naengzlig caeuq gangjvah gi- gyauj roengzfwngz, gyahung gvaengh sawloih, ndaej gangj cinj bae, doxcomz giengzvaq gij ginaengz dingq、 gangj song fuengmienh neix, caenh’itbouh daezsang roxyiuj Vahcuengh suijbingz.

(Liengz Dauh/梁 涛)