Byaujyangz gvi byaujyangz, meh- nax sonyinx lij caengz sat. De youh cam:“Mwngz caiq siengjsiengj, de dwg baenzlawz byaij daengz dieg gisieng cazyawj ne?”

“Mehnax gangj lo, dieg gisieng cazyawj dingzlai cungj dwg youq gyangdoengh gwnzndoi, ndigah loh aiq dwg mbouj ndei byaij. Seizhah, byaij daengz dieg gisieng cazyawj, daengx ndang cungj dwg hanh; seizdoeng byaij youq gwnz loh, rumz siet aiq guenq haeuj aenhoz bae, naj hix nit ndaej gyaengj bae, youq gwnz bonjbouh sij cih, lwgfwngz cungj iet mbouj ndaej.”

“Fwngz iet mbouj ndaej baenz- lawz guh?” Mehnax cam.

“Yungh bak ha heiqndat daengz gaiqfwngz, roxnaeuz cuengq ndaw buh raeuj fwngz. Gou miz cungj dijvei neix.”

“Deng lo, yawj doz sij cozvwnz couh yaek gaengawq gij dijvei swhgeij bae siengjsieng, bouj gij neiyungz ndaw doz mbouj miz haenx.” Mehnax ciepdwk youh cam. “De dang boux gisieng cazyawj, guh ndaej swnh lwi?”

Daegcoengh youh miz di rox lo: “Wnggai miz daemjdengj. Couh gangj sij dienheiq yawhbauq ba, loq miz di mbouj siujsim couh loek lo. Lumj, aeu ‘fwj lai cienq bumz’ sij baenz ‘fwj lai cienq gvengq’, roxnaeuz ‘fwn’iq cienq gvengq’ sij baenz ‘gvengq cienq fwn- iq’, couh cienz loek saenqsik dienheiq, ganciep hawj gunghcoz caeuq gwn- daenj mbangj vunz daiq daeuj mbouj fuengbienh. Aenvih haujlai vunz dwg gaengawq dienheiq yawhbauq daeuj anbaiz gunghcoz caeuq okdou. Nungz- minz ndaem byaek, bungzdaengz doekfwn couh mbouj yungh rwed raemx; dajhwnq caepcaeq, miz mbangj doekfwn couh aiq dingz hong.” (5)