Hingz Go Dinj

短歌行

Gwn laeuj ciengq go,

Seiqvunz geijlai!

Couh lumj raizhaet,

Ngoenz gaenq gvaq lai.

Daihliengh gikdoengh,

Youcouz nanz lumz.

Aeu maz gaij you?

Cijmiz laeuj ndwi.

Boux daenj buh heu,

Geiqcuengq sim gou.

Hoeng aenvih mwngz,

Caem ngon daengz neix.

Loeg heuh youhyouh,

Gwn go’ngaih cwx.

Gou miz hek ndei,

Danz boq yozgi.

Rongh lumj ronghndwen,

Seizlawz ndaej dawz?

You daj sim daeuj,

Mbouj ndaej goenq bae.

Mwngz byaij roennaz,

Daeuj ranz gou cunz.

Daizlaeuj angqlangh,

Sim niemh aencingz.

Rongh lai diemj noix,

Roegga namz mbin.

Heux faex sam hop,

Nga lawz ndaej ei?

Bya mbouj mbwq sang,

Haij mbouj mbwq laeg.

Couhgungh rueg haeux,

Lajmbwn yungjhu.