1 nyied 4 hauh, Hocouh Si Bazbu Gih Vangzdung Yauzcuz Yangh youq Mbanjmoq Gosanhyauz Sanhgiz gawjbanh 2017 nienz minzcuz doxgiet cinbu cauxlaeb hozdung nem ciet Buenzvuengz Yauzcuz angqhoh hozdung. Hocouh Si Minzveij、Gihgvanh Gunghveij、Ginzyigvanj、Gih Gijveij daengj mizgven danhvei lingjdauj daeuj yienhciengz camgya hozdung.

Vwnzyi hozdung youz aen yangh neix 4 aen Cunh、Hocouh Yozyen、Gih Vwnzva’gvanj Doihbiujyenj biujyenj, cezmuz neiyungz cungj dwg daj ndaw Yauzcuz dangdied ra okdaeuj, cungfaen langhbaij le gij meiliz daegbied Yauzcuz vwnzva, engqgya baijok gij funghsang ndei gyoengq Yauzcuz vunzlai doxgiet doxbang、vwnzmingz cinbu de.

Ciuq cam rox,“Cietbuenzvuengz” dwg aen ciet hung Yauzcuz caeq goengcoj Buenz Hu he, daj ciuhgeq daengz seizneix gaenq miz 1700 lai bi lizsij. 2006 nienz,“Cietbuenzvuengz” ndaej Gozvuyen lied haeuj buek daih’it gaep guekgya feihvuzciz vwnzva yizcanj mingzloeg.

(Ciengj Gyah’anh/蒋家安、 Houz Yenzyenz/侯园园)