1 nyied 7 hauh, Bahmaj Yauzcuz Swciyen Yendung Cin Dungzhoz Cunh Yenz Hungzcu bouxfucwz “diemj fugsaeh Dungzhoz Cunh aen gungh- cwngz Guengjsae denswj sanghvu haeuj lajmbanj” cingq youq gwnz muengx gaicawx doxgaiq.

Ciuq cam rox, diemj fugsaeh Dungzhoz Cunh daj 2015 nienz 9 nyied cingqsik hainduj daeuj, seizneix gaenq caeuq daengx guek gak dieg gaicawx gak cungj doxgaiq, daegbied dwg coh diegrog gai biek Bahmaj、 maenz Bahmaj、 cazyouz bya Bahmaj daengj dujdwzcanj Bahmaj cungjngeg gaenq daengz 20 fanh maenz ngaenz, gaenq baenz aen bingzdaiz youqgaenj bek- singq dangdieg coh diegrog siugai dujdwzcanj Bahmaj he.

Gaenh bi neix daeuj, Bahmaj dangjveij cwngfuj gaemdawz seizheiq dangguh Guengjsae gungsiuhse cungh- hoz sawqdiemj danhvei nem aen yienh guhyiengh gyonjgyoeb hwnjguh daengx guek denswj sanghvu haeuj lajmbanj, gaenxmaenx doicaenh caeuq sonyinx denswj sanghvu haeuj lajmbanj gunghcwngz, bangrengz hong cingcinj vut gungz. Daengz 2016 nienz daej, gaenq gyoebsuenq bued roengz 2000 lai fanh maenz ngaenz, hwnjguh boiqsoengq caeuq gyonjgyoeb fugsaeh vangjloz, saedyienh daengx yienh 60% doxhwnj yanghcin gungzhoj ndaej yungh denswj sanghvu siugai dujdwzcanj dangdieg, caemhcaiq cugyamq byaij coh mbanj gungzhoj, bangrengz cingcinj bangfuz.

(Liengz Sauwnh/梁绍恩)