Huz(ciengq)

Goeng’au daeuj bingzleix,

Gou ndatheiq foenfoen;

Sawj vunz sim mbouj onj,

De cienmonz ra sau.

胡（唱）

大叔请评理，我气得心疼；

令人心不安，寻欢又作乐。

Vangz(ciengq)

Yunghsim vih vunzmbanj,

Mbouj cam faen ngaenz lawz;

Luenh ndaq mbouj baengzgawq,

Sawj gou hozndat hwnj.

王（唱）

一心为村民，无心费钱币；

乱骂无凭据，激我气多多。

Cangh(ciengq)

Guenj fuengzrongz haenzdah,

Gvanbaz ndaq youh ceng;

Nienzgeij oiq ceiq bengz,

Yaek hengz gvaiq guh maz.

张（唱）

管防洪河堤，夫妻吵又争；

年纪这么轻，料不行作怪。

Huz(vaiqbanj)

Doengz daenj geu vaq he,

Dauq naeuz de miz goeng;

Gou caen siengj mbouj doeng,

Fangz longh gijmaz gvaiq.

胡（板）

同穿一条裤，倒诉他有功；

我真想不通，鬼凶他更歹。

Vangz(vaiqbanj)

Guenj fuengzrongz haenzdah,

Dingh yaek ca aeu ndei;

Ranz mbouj deng cung bae,

Nazhaeux ndaej fungsou.

王（板）

管防洪堤坝，定要抓得好；

民房不冲倒，农田稻保收。

Cangh(vaiqbanj)

Ngoenzngoenz daeuj yawj fai,

Vunzlai doengz sim haen;

Guenjleix gig nyinhcaen,

Hawj vunz haenh dangqmaz.

张（板）

天天来巡坝，上下一条心；

管理很认真，给人人崇拜。

Huz(ciengq)

Bak gangj naeuz guh saeh,

Vih cihgeij vuenyungz;

Veh guk youh veh lungz,

Siengj bae mungq(yaeuh) bouxlawz?

胡（唱）

话千年大计，为自己欢荣；

画虎再画龙，糊弄人等谁？

Vangz(ciengq)

Fuengz raemxrongz hoh naz,

Ndongj lumj faz(diet) lumj gang;

Miz caeg luenh guh vang,

Gou wngdang bae caz.

王（唱）

防洪护田庄，硬如钢如铁；

现有人盗窃，我坚决追查。

Cangh(ciengq)

Dwg gou guh mbouj deng,

Nanengq daengz gyoengqsou;

Doiq mbouj gvaq liux youx,

Gou bouxlaux hengz loeng.

张（唱）

是我做不对，连累到你们；

对不住后生，老年行不正。

(vaiqbanj)

Bonjlaiz siengj cam aeu,

Mbouj raen mwngz daeuj daengz;

Saedcaih gangj mbouj caenh,

Sim dam baenz bouxcaeg.

（板）

本来是想问，没等见你人；

实在难说清，贪心成偷盗。

（caengz sat）