Siengjmuengh dwg diuz bienmax bae- naj haenx; dwg aen rengzdoengh gwndaenj haenx, boux vunz raeuz danghnaeuz mbouj miz lijsiengj, couh yawj mbouj raen roennaj, couh lumj youq gyanghaemh luenh byaij, mbouj miz maz fuengyiengq.

Gou maij fangzhwnz, gyaez yiengj- souh fangzhwnz geizheih haenx, gou cungj loq raen gou rox mbin, mbin gvaq byai bya caeuq gwnz dah; gou loq raen duj va’ mbu lai lumj haij, gvangq mbouj raen henz, ceiq nanzlumz dwg loq raen aen daengngoenz hoengzfwg menhmenh swng hwnjdaeuj……

Mbouj guenj dwgrengz haemzhoj, cijaeu gou miz lijsiengj, gou lij lau maz ne? Mbouj ginggvaq rumz ci fwn soen, baenzlawz yawjraen duzdoengz? Youq ndaw byajraez mbeilaux baenaj, vih gij gensez guekgya raeuz gungyen gij rengz swhgeij. Danghnaeuz raeuz bouxboux cungj mbouj miz lijsiengj, mbouj okrengz guh saeh guh hong, aen maqmuengh Cunghvaz minzcuz raeuz hungmbwk engq dwg dujva youq ndaw gingq、ronghndwen youq ndaw raemx. Raeuz yaek mbei mbwk bae guh, vih ngoenzlaeng guekcoj raeuz veh aen veh fanzyungz hwngvuengh ndeu.

Neix mbouj dan dwg aen lijsiengj vunzdog ndeu, engq dwg aen lijsiengj mwngz, aen lijsiengj gou, aen lijsiengj gyoengq lwglwg lanlan guekgya raeuz, maqmuengh raeuz daiq aen lijsiengj Cungguek raeuz, haenqrengz buekguh, hawj guekgya raeuz engq fouqgiengz!