Mboengqneix, Swcigih goengbouh buek daihroek swcigih gaep feihvuzciz vwnzva yizcanj daibyaujsing hangh- moeg mingzloeg, Namzningz Si Vuj- mingz Gih bauq 《Gij Cienzgangj Byagijfung》 nem 《Hawfwen Boux- cuengh Lingzsuij》 gwnz buengj miz mingz.

Byagijfung dwg bet gingj gaeuq Vujmingz ndawde dieg ndeu, youq Vujmingz Gih Cwngzsiengh Cin Yavangz Cunh henz Dahyanghsanh, youh heuh Byafunghvuengz. Riuznaeuz Byagijfung cujyau dwg aen gojgaeq “duzfungh”、 cienzgangj Gvangjdwz Gunghcuj daengj lai aen neiyungz gapbaenz, doiq yenzgiu vwnzva Boux- cuengh caeuq vwnzyoz Bouxcuengh gig youqgaenj. Hawfwen Bouxcuengh Lingzsuij dwg hawfwen vunz Boux- cuengh Vujmingz Gih youq liggaeuq sam nyied sam、 bet nyied cibngux geizgan youq henz raemx Lingzsuij eu fwen, daj ciuhgeq daengz seiz- neix, hawfwen Bouxcuengh Lingzsuij hoenghhwd mbouj nyieg, seizneix Huzlingzsuij gaenq baenz dieg banh fwenvuengz Bouxcuengh Guengjsae doxdax ndeu. Hawfwen Bouxcuengh Lingzsuij daegsaek yienhda, doiq fatyiengz vwnzva Bouxcuengh maenh- ndei miz youqgaenj yiyi, hix miz gij gyaciz lizsijyoz、 minzsuzyoz youqgaenj dem.

Lai bi gvaqdaeuj, Vujmingz Gih daj gyaeuj daengz riengz gvancez gij guhhong fuengcim “baujhoh guhcawj、 ciengjgouq daih’it、 hableix leihyungh、 swnjcienz hwngfat”, netsaed guh ndei hong baujhoh、 guenjleix caeuq swnjcienz feihvuzciz vwnzva yizcanj daibyaujsing hanghmoeg. Daengz seizneix, singzgih gak gaep feihvuzciz vwnzva yizcanj hanghmoeg mingzloeg, gungh miz guekgya gaep hanghmoeg hangh ndeu, swcigih gaep hanghmoeg 9 hangh, si gaep hanghmoeg14 hangh.

(Fangh Haijsw/方海仕)